【職場熱話】打工仔漸對社交厭倦 網民慨嘆:職場太多事影響關係

【職場熱話】打工仔漸對社交厭倦 網民慨嘆:職場太多事影響關係

職場是屋企以外,每個人逗留時間最長的地方,打工仔不能避免與身邊同事交流。同事非家人,與你沒有血緣關係;也非求學時期的朋友,與你踏過青春歲月。許多人認為長大投身社會後遇到的人,沒有那麼單純,慢慢地對認識新朋友不感興趣。最近,有名打工仔到社交媒體專頁「奴工處」發文,指自己到過不同公司工作後,逐漸厭倦任何職場上的社交活動,隨即引起多名網民的共鳴。

延伸閱讀:【職場熱話】職場伏位你要知 得罪同事不自知?準時收工唔埋堆?

即睇事主分享及網民回應:(按圖了解)

事主:打咗幾份工,越嚟越唔想同人Social。

事主:我覺得返工都係自己靜靜地做嘢算,大家保持普通關係就好。

網民:完全同意,唔想畀人知咁多嘢,職場太多人是非當人情。

網民:有啲人係連Hi Bye都唔想……特別係對住啲老屎忽。

網民:出嚟社會第一課,返工見到嗰啲係同事,唔係你朋友。

網民:對同事投放太多感情,到分開嗰陣只會傷心。

網民:世間傷害太多,你先釋出善意,再睇吓有咩人回應吧。

網民:睇同事啦,有啲同事其實幾願意分享、幫忙同教導。

網民:淨係同事、上司、老闆係普通正常人已經夠。

網民:無論以前一齊做嘢有幾Friend都好,當升職加薪唔一致,或者有人離職,關係就日漸疏遠。

網民:做幾十年嘢幾十間公司,而家仲真係保持友誼只有一個,其他連酒肉朋友都算唔上。

網民:有利害關係嘅,無可能friend到。

網民:同事老細要求social嘅我表示,其實同大家唔係好熟呀……

 

是非太多致疏離 利益衝突為暗湧

一眾網民慨嘆職場有太多事情,如工作分配、流言蜚語、升遷等也會影響同事間相處。有網民更認為職場說三道四的「是非精」太多,直言同事這角色「唔係普通關係,而係咩嘢關係都無」,欲保持距離,以免不慎行事成為招致麻煩。

俗語有云:「多個香爐多隻鬼。」有打工仔表示自己的職場生存之道為「同我無工作關係嘅,我一句都唔會同佢講嘢」,可見職場不缺一些人會避免與互不相干的同事建立關係。另有留言指出,「同事間太多利益衝突,最好唔好咁熟」,表示職場有太多人際關係方面的暗湧,勸籲他人於職場上與同事保持適當距離,否則最終只會受傷。

當然,職場上面是否沒有真朋友呢?未必,仍有些網民指自己離職後仍有與舊同事聯絡,但只屬小部分。能否與同事交心這回事,或許真是不能強求的。

大學畢業生進入社會前必須要有心理準備認清以下5大職場現實:(按圖了解)

延伸閱讀:【職場熱話】講金唔講心、白紙黑字寫清楚⋯⋯打工仔大數返工最大得著

延伸閱讀:【2022】回顧一年職場生活 打工仔要問自己的5條問題

延伸閱讀:【職場熱話】未來上司或同事 原來係舊同學!大家會覺得尷尬定冇所謂?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告