【職場熱話】婚姻狀況對搵工有冇影響？ 網民：結咗婚獲聘嘅機率會低啲？

婚姻狀況對搵工有沒有影響？很多時公司的面試表格上，都要填自己的婚姻狀況，真的要如實相告嗎？求職者還未入職就要被查家宅的感覺，不過，已婚究竟是優勢還是不利？

延伸閱讀：【全職爸爸】由舞蹈員到全職爸爸 試過凍水開奶、搽錯cream、仲有唔小心……

有網民在討論區Dcard上發文分享，「我見好多公司都會要勾選單身或已婚嗰啲，想問下用意係咩？係咪即係結咗婚請嘅機率會低啲？我準備畢業結婚，如果婚姻狀態會影響，好驚好難搵工……」

已婚是優勢還是不利？即睇網民回應：﹙按圖了解﹚

+12

+11

-其實係咪要睇，如果結咗婚，會唔會多啲機會要大肚請產假，所以會唔請？有啲陰謀論。

-如果未婚可能問埋有無男友，短期內會唔會結婚、有無要小朋友嘅打算。

-你唔填公司點同你報稅？

-其實最怕係你生仔。

-其實佢呢個喺職場文化啲死症嚟，驚你容易請假，有些少涉及暗藏嘅性別歧視。

-日本某啲公司直情會喺懷孕期之前就炒咗個女員工，慳返啲人工。同埋有啲公司真係會覺得單身人士工作效率係高啲，冇咁多嘢會分心。

-咁放產假都要成本嘅。

-好似我department咁，6個full-time，有2個放產假，1個啱啱放完產假返嚟，有好多嘢要follow up返。所以我諗呢個或者係HR考慮位。至於會唔會成功告上勞工處，我諗要睇返HR所提出唔請你嘅理由係咩。

-正常唔會同你講到明呢個原因唔請你，不過如果真係因為呢個原因，以我認知應該搵平機會。

-報稅、買保險？N年前可能睇嘅，依家應該唔會理啦？如果間公司真係睇呢樣嘢，呢啲公司真係唔做都罷……

-其實係因為己婚同有小朋友嘅人，冇咁易離職，對公司反而係個好處！

-試過面試問我屋企有幾多人、有幾多個兄弟姊妹，覺得畀人咁問好唔舒服。

-正常回答啦，有啲嘢沒得騙，講假仲麻煩啦。有啲公司保險包咗家心，但話時話，多數係入職先要填嘅。見工就好少要填，除咗政府同公營先會要你填，國際公司見工沒乜試過要填，私隱是做得幾好。

如實告知
有網民覺得可能公司想找已婚人士，因為已婚及有小朋友的人，離職率較低；不過有更多人覺得公司要知道你的婚姻狀況，其實是想看看你會否有計劃生育，擔心員工會請產假……

雖然這會涉及性別歧視條例，可是有網民指：「正常唔會同你講到明呢個原因唔請你，不過如果真係因為呢個原因，以我認知應該搵平機會。」、「至於會唔會成功告上勞工處，我諗要睇返HR所提出唔請你嘅理由係咩。」

不過，如實告知婚姻狀況亦可能是公司會為員工家人提供保險之類的褔利，然而，即使當中真的涉及暗藏性別歧視成份，如實告知婚姻狀況總比造假好，減少雙方選擇員工或公司的時間，更有效率。但若在求職過程中，受到性別歧視的對待，還是找平機會申訴為佳！

延伸閱讀：【另類職人】劍擊十年 由運動員到社工 轉職感言：兩者最着重同是「溝通」

延伸閱讀：【轉職故事】前攝影師到老字號銀都冰室學沖奶茶 賣樽仔奶茶延續傳統

延伸閱讀：【全職爸爸】由舞蹈員到全職爸爸 試過凍水開奶、搽錯cream、仲有唔小心……

延伸閱讀：【職場戀愛】男上司同男下屬打機 情到濃時鍚咗啖 網民：快啲表白！

延伸閱讀：【職場戀愛】男上司追男下屬 結局竟然反轉？ 網民：sweet過睇BL！

⏩⏩  需要請人？立即刊登招聘廣告！  ⏪⏪