【職場熱話】失業唔敢同家人講 諗住扮工再搵工 網民齊勸事主應坦白

【職場熱話】失業唔敢同家人講 諗住扮工再搵工 網民齊勸事主應坦白

雖然疫情之下的失業率有下跌,不過很多工作都仍然充滿不確定的因素,並沒有一份工作是絕對的穩定,所以失業總是來得突然……

延伸閱讀:【聖誕節】Speed Dating定用交友App好? 最多單身職業係工程師、醫生……

有網民在社交平台專頁「奴工處」上以「失業心慌慌」為題分享,「就嚟失業,但未諗點樣同屋企人講,想出去扮工一段時間,做吓兼職,順便搵工,呢段時間好驚畀屋企人撞見,心情複雜……」不少網民看到事主如此狀況都感到心酸,紛紛鼓勵他同屋企人坦白。

如果你面對事主的情況,你會選擇先扮工,還是坦白呢?

即睇網民回應:﹙按圖了解﹚

網民:「就算屋企人唔太體諒,都照直講啦,隱瞞事實都只會徒增自己壓力,何必呢?經濟許可甚至可短期休息一段時間,人生做嘢幾十年,休息無幾可,錢搵多有多使法,少搵少使,但工作暫停機會其實唔多,珍惜同努力。」

網民:「直接同屋企人講啦, 佢哋會明白。 自己人都欺騙, 有咩意思呢!」

網民:「真係唔係家家嘅屋企人都會明白!當你冇嘢做坐喺屋企,日對夜對,屋企就會懶係不經意成日問起點解咁耐都未搵到嘢做,講到我好似專登唔落力搵嘢做咁,尤其係到咗出糧畀家用個段時間更甚,坐喺屋企真係會有不少無形壓力多過 support 囉!真係唔係家家嘅屋企人都咁明事理!」

網民:「直接同屋企人講,屋企人會體諒的,全家人一齊慳少少,自己全力搵工,加油!」

網民:「我最初都唔知點同屋企人講,後尾決定講,即刻放低咗心頭大石。」

網民:「扮工仲辛苦呀!老實同屋企人講,趁空檔搵工,做下運動,進修下充實自己仲好啦!加油!」

網民:「老實同家人講啦!過年係難啲搵工,做住兼職先啦!」

網民:「坦白就可以, 唔使畀多壓力自己。 一返到屋企, 大大聲講, 我就嚟無得撈, 不過我會搵part time做,請放心!」

網民:「我覺得坦誠好緊要 ,若果家人體諒,他們也會明白,最近我都選擇離開公司,因為我明白精神健康的重要性,所以我都有同家人講來緊我又失業!請大家相信個天現在關咗你一道門,他總會在一個合適的時間會為你再開另一道門給你。」

網民:「一定要講,個屋企大家都有份,有乜要驚,咪一路做兼職,一路搵工。講咗出嚟,屋企人會理解嘅。」

網民:「直接講啦,扮返工好辛苦!使費仲大!」

網民:「坦白同家人講,如得到他們體諒固然好,否則只好大聲同佢講,家吓咁嘅時勢你都唔想,你會努力搵工。加油,唔好氣餒,最緊要信任自己,畀自己信心!」

網民:「失業並不是一件嬲事,你要知道保持一份工作並非由你一人所主導。勇敢面對家人,積極尋找新工作,相信家人一定會支持你嘅!」

 

網民打氣 支持坦白
大部分網民都鼓勵事主坦白,因為失業已經大壓力,如果還是向家人隱瞞,豈不是再大壓力?如果坦誠地告知家人,可能為得到他們的體諒,一起面對這一境況,別獨自一人承受。不過都有網民指,並不是所有人的家人都得體諒,他分享自己的經驗:「當你冇嘢做坐喺屋企,日對夜對,屋企就會懶係不經意成日問起點解咁耐都未搵到嘢做,講到我好似專登唔落力搵嘢做咁,尤其係到咗出糧畀家用個段時間更甚,坐喺屋企真係會有不少無形壓力多過 support 囉!真係唔係家家嘅屋企人都咁明事理!

不過,有網民則指:「坦白同家人講,如得到他們體諒固然好,否則只好大聲同佢講,家吓咁嘅時勢你都唔想,你會努力搵工。加油,唔好氣餒,最緊要信任自己,畀自己信心!」、「經濟許可甚至可短期休息一段時間,人生做嘢幾十年,休息無幾可,錢搵多有多使法,少搵少使,但工作暫停機會其實唔多,珍惜同努力。」

或許事主可以趁這機會好好思量一下自己未來的去向,來一個小休都是不錯的選擇。要給自己目標,鼓勵自己會搵兼職和留意長工,別讓負能量打跨自己!

延伸閱讀:【聖誕節】Speed Dating定用交友App好? 最多單身職業係工程師、醫生……

延伸閱讀:【聖誕節】Speed Dating活動種類多 整蛋糕、郊遊 最受歡迎竟然係…

延伸閱讀:【時鐘酒店】新式主題爆房吸年輕人 負責人:SM、和風乜都有!

延伸閱讀:【時鐘酒店】分手嗌交、玩屎都未算衰 最驚係成床OO!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告