【職場熱話】大學轉過4科都無畢業無打過全職工 27歲女網民：人生已完？

2021-10-06

身處節奏急促的香港，大部分人都是目標為本，不論是學業或事業上，都不容許一刻停步，以免落後於其他人。最近有位27歲女網民，在討論區自稱中學成績不錯，但之後因為三心兩意，在大學時期不斷轉系，讀過商科、化學、城市研究及電腦，至今仍未有正式一個學位。她擔心以她的年紀及工作經驗，畢業後也沒有僱主願意聘請，產生「人生已完」的負面想法。你又同意嗎？

延伸閱讀：【職場熱話】工作失去人生自由日子無限loop 打工仔:感慨完就繼續做嘢啦

按圖了解她的讀書經歷：

+17

+16

27歲女網民：「我中學嗰時成績唔錯，一直都係全級頭三名內，DSE都考到中上分數。之後因為聽阿媽講返大陸讀書，去咗廣州讀商科，但完全無興趣。加上途中不幸發現自己生咗個腫瘤，急急腳退學返香港求醫。休養好之後再讀書，Re-JUPAS喺香港讀化學，讀咗兩年因為突如其來嘅諗法而魯莾轉科。轉咗去讀城市研究，點知讀咗兩年發現做唔到自己最想做嘅嘢，加埋社會運動好影響心情，最後疊埋心水退學。而家27歲人再轉去讀電腦，打算重頭開始，今次都幾肯定會讀到畢業。期間有做下啲兼職，例如幫人補習、接下小型it job等。我都知自己過去衰在貪心咩都想要讀，思想唔夠堅定，搞到浪費咗好多青春。就算讀得幾好，以我咁嘅年紀，又無全職工作經驗，係咪都唔會有老闆想請？其實係咪人生已完？我只係想喺職場上保留一定競爭力，做個有價值嘅人。」

網民點睇？

網民Ａ：你連腫瘤都可以醫得返，又點會人生已完，好好珍惜健康身體認真讀書。
網民Ｂ：你而家讀電腦讀到完成學業，唔好又轉其他嘢或停學，讀完有個degree，點都搵到份IT工做。
網民Ｃ：你今次一定要同自己講一定要畢業，唔好半途又再轉。放棄好易，要向目標前進唔放棄先可以行出屬於一條自己嘅路。
網民Ｄ：年青時已經任性咗，而家就努力啲讀拎個好成績方便第日再進修，年紀唔係問題，但你預僱主只會畀fresh grad價錢去請你。
網民Ｅ：轉第二次系之前，你又唔做足資料搜集，有咩理由讀讀吓先發現，讀完會做唔到理想職業，應該轉之前搞清楚先轉。
網民Ｆ：如果想建立事業，而家要急起直追。同埋要改善你嗰種搖擺不定嘅性格，否則出嚟工作無咩時間畀你再慢慢撞板。
網民Ｇ：27歲好後生，而且世界唔同喇，而家好多斜槓族，唔似以前一定係一份工做到老。
網民Ｈ：香港需要人才，你亦可上大陸發展，機遇處處，點會人生已完，堅持理想向前行總會有路行。
網民Ｉ：27歲仲好後生，最緊要知道自己想要咩，不要畀自己任何藉口！努力向目標邁進，唔好再三心兩意，半途而廢。

人一生有一半時間都在職場上度過，我們曾經都看過不少有關職涯規劃的「心靈雞湯」，希望可以在工作生涯的路上可以走得輕鬆點。但日本知名職場才女干場弓子的著作《不快樂，就不是工作：NO WORK NO FUN》，就對「心靈雞湯」中有5個常見的關鍵字有另一份見解。

按圖即看5個職場誤導的關鍵字：