【職場熱話】外賣送遞員最高月入6萬蚊網民：呢啲辛苦錢唔係人人賺到

2021-09-13

自從疫情之後，嗌外賣成為市民的日常，外賣平台的生意越來越興旺，間接帶動了送遞員的收入。最近有外賣平台公布送遞員的收入排行榜，車手及司機第一位的收入為$66,000，至於步兵及單車手方面則以月入$51,500登上首位。名單引起網民熱烈討論，羨慕做外賣專員薪酬比打工仔還高，但這些「辛苦錢」不是人人賺到。

延伸閱讀：【行業辛酸】騎步送餐期間被偷外賣要貼錢補買蝕到入肉？

按圖即睇8月份最高收入送遞員：

網民點睇？
網民Ａ：搵咁多錢都無時間使……我自問做唔到，安份打個office工算。
網民Ｂ：即係平均一日60單，當你一個鐘做4單都要做15個鐘，呢啲錢抵你賺。
網民Ｃ：我有個frd真係試過連續兩個月都搵到45-50k，不過係疫情啱啱開始嗰排，而家咁多人做要爭單爭到死。
網民Ｄ：我識人做咗半年步兵減咗60磅，好恐怖。
網民Ｅ：其實有人做到，不過辛苦到癲，而家香港天氣成34度，點頂？
網民Ｆ：有啲南亞仔真係好勤力，4萬蚊1個月絕對唔係問題囉！
網民Ｇ：單車手就算踩到李慧詩咁勁都要回氣，我諗要踩電動單車先有可能有呢個數。
網民Ｈ：日日瞓6個鐘，其餘18個鐘都送外賣就做到，3年後應該參加得奧運三項鐵人賽。
網民Ｉ：呢個情況似係幾個人Share一個帳戶，一個人要做16個鐘30日先有5萬，但唔會日日都咁多人叫嘢食，5萬肯定係督數。

「步兵」、「車手」等外賣員收入雖然不俗，而隨着職業的興起，也聽到了不少外賣送遞員的辛酸事，而最近在台灣也發生了一宗外賣員取餐時遭受威嚇的事件，令人髮指及側目。

點擊即看事發經過及網民意見：