【職場熱話】員工電腦凳有階級之分？經理坐舒服電競椅、Junior坐膠凳

從觀察辦公室的工作環境，可以對公司管理文化略知一二，甚至看出企業是否存在嚴重階級觀念。最近有打工仔在討論區投訴公司的電腦椅有階級之分，高級職員的電腦椅舒服好坐，但有些基層員工卻只能坐膠凳，連椅背也沒有，批評公司不注重員工的脊椎健康。

延伸閱讀：【職場熱話】自費萬元買電腦椅被批曬命 網民: 想返工舒服啲有咩問題?

高層與基層員工的電腦椅有什麼分別？（按圖即睇打工仔分享）

+15

+14

-近排發現公司電腦凳有階級之分，脊椎健康同職級高低掛鉤。
-Director張凳就最靚，上網check過差唔多成九千幾蚊，坐完唔知係咪會識飛。
-Assistant Director張凳都係好靚，係個設計平凡咗小小。
-Senior Manager, Manager同Assistant Manager啲凳各有不同，一個比一個廢。
-食物鏈最底層員工嗰啲凳當然最差，有啲甚至坐膠凳，連椅背都無得挨。
-全公司嘅凳價錢加埋，都唔夠幾個高層啲凳貴。
-真係好唔人道，唔通喺公司地位低，就唔使重視脊椎健康？
-有同事試過買私家凳帶返公司，但被其他人批鬥，仲叫佢入房照肺。
-我覺得除咗坐房可以有要求之外，坐出面嘅人張凳應該一樣level囉！

網民回應：
-僱主有責任提供及維持安全及健康的工作環境，如果張凳無椅背，有機會令到員工引致長期病患，即係公司無做好職業安全。
-無椅背先正，條腰可以坐直啲，唔怕駝背。
-反而我公司係張電腦檯唔同，高級員工係用電動升降檯，低級員工用普通檯。
-公司用埋啲垃圾凳，有張凳爛咗個碌已經斜晒，有3個人坐過同Admin投訴要求換凳，Admin都係hea應。
-其實大公司普通職員坐萬幾蚊電腦凳好common，坐壞條腰影響效率公司蝕得仲多錢啦。
-最低層員工連櫈仔都無得坐啊，邊個無返就坐邊個嘅位，返齊人就自己開摺檯摺櫈搵個角落自己坐。
-公司管理級人員可以叫秘書自己揀凳，至於文員嘅櫈都有分唔同級數，低級文員張櫈係無頭枕位。
-椅背都無得挨？返過咁多份工都未試過，你公司當人奴隸？！
-坐我對面嗰個同事，自費買咗張二手真皮大班椅，見佢坐得咁舒服我都想買張玩吓。

從辦公設施中能夠反映出公司對員工有多重視，良好的員工福利能讓僱員工作更舒心，提高工作效率，而且增加對公司的歸屬感。除了電腦椅外，有打工仔認為透過公司人員選擇了哪一種類型的飲水機，能判斷工作是「筍工」或「伏工」。你認同嗎？

按圖了解更多：

+16

+15

延伸閱讀：【員工福利】打工仔呻Lunch無得出去食 得半粒鐘食飯 網民：打工啫 又唔係做奴隸

延伸閱讀：【員工福利】公司贈免費生理假 男女都有！居然有女同事貪心 仲鬧HR孤寒？

延伸閱讀：【員工福利】網民公司褔利排行逐個數 雙糧、生理假、彈性上班邊個最重要？

【最新調查】《CTHR 2021年畢業生薪金及就業調查》結果出爐！立即下載調查報告！

⏩⏩  需要請人？立即刊登招聘廣告！  ⏪⏪