【職場熱話】召集所有最Hea工作 網民：返工打邊爐去樂園玩都無人理

好多打工仔的人生目標都是找一份「輕輕鬆鬆，準時放工」的工作，最好就是達到Work Life Balance。究竟世界上是否真的有這類型的「筍工」？近日有網民在討論區分享自己返過最Hea的工作，「之前返過一份戶外工，一個鐘頭已經做完要做嘅野，之後同埋其他同事Hea，最癲係一齊去冒險樂園玩。」

延伸閱讀：【職場熱話】老細吩咐食飯時間去入數 網民：我想有少少私人時間

這個帖子一出即引起熱烈討論，原來好多人都有返Hea工的經驗。前模型展示舖員工表示：「每日就係打機、睇片、炒股，間中有顧客詢問模型價錢，就答『呢到唔賣野』，食完飯之後掛上外出中的牌，搵其他舖頭吹水，夠鐘關門熄燈走人。」

另外，有前手作食品店員指出，由於店舖位處舊區細商場，所以經常「拍烏蠅」，試過全日都無人行過。「每日就係開舖閂舖，食物要每日清，老板娘叫我食多啲，搞到我暑假之後肥咗幾公斤。」

除了以上兩種職業，有前大型商場物業管理職員大爆每日返工打完卡後，就開始自由活動。「上司叫我去超市買幾打啤酒，一邊飲酒一邊打機傾計，夜晚就去街市買餸打邊爐，飲飲食食到十點就執檯收工，日日如是。」如遇上假期或大時大節，一班同事更會就上商場天台BBQ，買大量紅酒、威士忌狂飲，這種醉生夢死的生活是他最頹廢、最開心的時光。

延伸閱讀：【職場熱話】Intern買400人散水餅好頭痕 網民：其實無人Care

延伸閱讀：【職場熱話】辭咗職仲日日OT？被網友取笑︰睬佢都傻咩 夠鐘就衝出門口啦！

延伸閱讀：【職場熱話】儲夠100萬會否辭職？ 打工仔：有層樓好過

CTgoodjobs 推出全港首創 WhatsApp 搵工平台「搵工快」，八大行業 2,000+ 前線、兼職空缺等緊你！

⏩⏩  需要請人？立即刊登招聘廣告！  ⏪⏪