【職場熱話】便利店通宵更VS.超市通宵更 半夜最麻煩係……

打工仔返工朝九晚五，若突然要返通宵更，又能否適應呢？近日有網民於討論區發帖，問返便利店通宵更是不是很辛苦，半夜又有多少客人，帖文惹起熱議。

有網民分享，返便利店通宵更需要點貨、上貨架、清理舖頭、執拾報紙等，新年期間執拾年貨「執到懷疑人生」，不過晚上較少應付客人。半夜最麻煩的，就是遇到打劫、吸毒情侶搞事，而且更要克服不怕鬼。所以不少網民勸籲女士應盡量避免返通宵更。

此外，有網民認為返通宵更很辛苦，「朝早收工好難頂」，又指通宵更「好傷身」，雖然人工較高，但捱壞身體卻得不償失，「就算間舖好得閒，貨量客流無咁多，捱夜顛倒生理時鐘都遲早病，好唔值」。

有網民則認為通宵更工作量比日更少，亦有網民表示通宵更有兩名員工，所以尚算得閒，「好多時都喺睇雜誌」、「可以打機同煲劇」。更提議返超級市場的通宵更，人工較高，亦相對較安全。
 

⏩⏩  需要請人？立即刊登招聘廣告！  ⏪⏪