【職場熱話】住得近公司好爽？網民：一有突發事奉旨叫你返去做

2020-09-24

好多打工仔的願望是找到一份與屋企地點相近的工作，能節省交通費之餘，也可以爭取更多睡眠時間。早前就有網民在討論區徵求意見，他指自己租約將到期，正考慮搬到公司附近居住，方便上班下班。有過來人表示住近公司一定會後悔，「每日公司有突發事一定叫我返去幫手，好似住得近就奉旨咁，無得Say No好可憐。」

延伸閱讀：【職場熱話】網民徵人！由太古坊搭的士返屯門打工仔︰塞屯公都係GG

雖然香港面積不大，不過如果由新界西到港島東上班，每日都至少花上3小時搭車，足以來回台灣一次，十分費時。所以好多人都希望住在公司附近，方便的話中午更可以回家食午餐，再小睡一會兒，簡直是夢寐以求的生活。

不過現實又豈會如此理想，大部分網民都認為住在公司附近弊多於利，更會自投羅網，成為公司御用「執屎官」。有過來人分享經歷，「記得有次打風下晝落波，老細一朝早已經瘋狂WhatsApp提醒我，叫我落波即刻出門口，要開門俾佢同埋其他同事。又有一次星期日，個客有Urgent嘢要改，明明唔係我負責個Part，但因為我住得近，所以被迫返公司做，真係好後悔搬過嚟。」

其他網民都認為住近公司只會節省交通費及出勤時間，但是壞處就「多羅羅」！（按圖了解）