【職場熱話】中年失業逾年應該轉行?網民:做開白領好難接受藍領

【職場熱話】中年失業逾年應該轉行?網民:做開白領好難接受藍領

受疫情影響,本港失業率維持在6.3%的高位,不少打工仔因失業被迫轉行。轉行需要很大勇氣,既要適應新環境,又未必賺到以往的薪金,因此不是每個人都願意踏出這一步。最近有網民分享中年親戚失業逾年,堅持要搵office工,其他兄弟姊妹更要代付家用,令人擔憂。

延伸閱讀:【職場熱話】父親中年失業沉迷賭博 將Fresh Grad兒子家用「倒落鹹水海」

近日有網民在討論區分享,指出家中有位中年女士失業超一年半,「佢做左20幾年嘢都好順利,食正香港黃金輝煌時期,都搵到少少錢,仲係單身貴族。前排公司減薪,佢覺得無癮索性辭職,點知撞正疫情經濟差,搵極都搵唔到工。」

事主表示家中有年老父母要供養,在她失業期間其他已婚兄弟姊妹要加碼給父母零用,造成一定的經濟負擔。事主曾建議她轉行或返Part Time幫補家計,「佢堅持要做office工,又話自己有超級潔癖,唔肯轉做藍領等等。但我覺得而家經濟咁差,咩都做住至少有份工先啦。」

網民對於事主遭遇表示同情,部分人認為「馬死落地行」,打工仔要放開以往包袱,適應世界新常態。亦有人分享類似經歷,「我都識一個40歲未婚女士,做咗多年文職,但無專長項目。兩個月前公司執笠,我叫佢試吓做sales,佢話一定唔慣,又話無經驗人哋唔會請,結果而家日日喺屋企瞓覺睇電視打機。」

即睇網民的意見:(按圖了解)

中年失業的確有多方面的生活壓力,難免對人生的路感到失落和迷茫,但生活還是要繼續。學會調整心態,利用自己多年累積的經驗,繼續走出屬於你的人生道路。

延伸閱讀:【失業率6.3%】咩行業最多人無工開?HR專家預料︰明年恐升至7%

延伸閱讀:【自我增值】疫市求職轉工有法 2021年三大最有前景的行業

延伸閱讀:【自我增值】「特別・愛增值」3名額增至兩萬人 免費課程提供高達$5,800津貼

 

⏩⏩  大把兼職、散工、前線好工等緊你!即用「搵工快」WhatsApp 搵工  ⏪⏪

搵好工,快啲下載CTgoodjobs手機APP啦!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告