【職場文化】點解一定要離開comfort zone？打工仔：邊有人追求辛苦？

由學生到踏足社會，再轉換不同的工作，每一次都是大家踏出comfort zone的階段。有些人覺得每次轉換新環境都會有進步；但亦有些人不喜歡改變，希望留在自己的comfort zone中。大家覺得哪一種人生態度才適合自己呢？是否一定要跳出comfort zone才算進步？

延伸閱讀：Speed Dating定用交友App好？ 最多單身職業係工程師、醫生……

有網民在社交平台專頁「奴工處」上以「做咩迫人離開comfort zone？」為題分享道：「好憎返工成日畀人叫踏出comfort zone，大佬呀生活梗係求舒服，邊有人追求辛苦架？唔係個個人都想上位想做經理，有啲人唔想發達，簡簡單單生活就夠。你成日叫人做多啲嘢、留耐啲、學下嘢，sorry，我淨係想做散仔，冇諗過學埋咁多嘢。舒適區入面不知幾舒服，我唔想離開！」

正所謂人各有志，有些人只求舒適就可以，對物質、權力和名利沒有追求，這應該迫他跳出comfort zone嗎？

+9

+8

網民：「個assumption 有啲錯，走出comfort zone 之後並唔代表之後唔comfortable。」

網民：「其實啱嘅，人各有所求，滿足就夠！但係都要記住唔好要求公司咁多，例如唔好出post話公司點解5年加你1000人工咁少，都係自己造成嘅。」

網民：「你要我離開comfort zone，你又知道我而家好舒服？我而家身處uncomfort zone喎！」

網民：「留耐啲學嘢，有無計返OT？否則只係氹員工無償付出的借口而已。」

網民：「我明，我都係咁狀態，唔想離開就唔好離開，有人會逼到你走咩？」

網民：「由踏出屋企門口返工，我已經踏出咗我嘅comfort zone。」

網民：「睇你要咩囉，我離開咗comfort zone，而家新公司完全係地獄嚟，唯有再搵工。」

網民：「其實無問題嘅，你將來唔好嫌人工低就OK啦，人各有志。」

網民：「跳出comfort zone收入增加當然冇問題，問題係出咗之後，人工冇變，工作量多到死先係問題！」

網民：「離開咗comfort zone，真係好唔comfort！有啲後悔中……」

網民：「人各有志，其實只要自己開心就得。」

網民：「只可以講每人追求目標都唔同，有人覺得生活慳慳哋唔需要高人工，做散仔開心舒服hea住等收工，有人覺得生活要買樓，就辭去散仔一職，轉做辛苦工，每日加班1日就多1千蚊。」

在comfort zone內將comfort zone擴大
有網民說得不錯：「個assumption 有啲錯，走出comfort zone 之後並唔代表之後唔comfortable。」其實亦有人曾說過，不一定一下子跳出comfort zone就是好事，可以選擇於comfort zone內將comfort zone擴大，亦是一個可行的選擇。

有網民亦開玩笑說：「你要我離開comfort zone，你又知道我而家好舒服？我而家身處uncomfort zone喎！」另外，亦有網民提醒，要留在comfort zone是很個人的選擇，不過日後不要為沒有升職加薪的機會而投訴。

人各有志，其實只要自己開心就足夠。

延伸閱讀：Speed Dating定用交友App好？ 最多單身職業係工程師、醫生……

延伸閱讀：Speed Dating活動種類多 整蛋糕、郊遊 最受歡迎竟然係…

延伸閱讀：【時鐘酒店】新式主題爆房吸年輕人 負責人：SM、和風乜都有！

延伸閱讀：【時鐘酒店】分手嗌交、玩屎都未算衰 最驚係成床OO！

⏩⏩  需要請人？立即刊登招聘廣告！  ⏪⏪