【職場八卦】辭職退公司WhatsApp group 鬧爆老闆娘！網民：爽！大快人心！

在職場上，「湊老細」已成為一眾打工仔的日常。如果不幸遇到獨裁型老細喜歡「一言堂」，從不理會下屬的意見和建議，或會令雙方關係變得惡劣。

最近，有打工仔於Facebook專頁「辦公室日報」上投稿，分享同事的「威水」事件。他分享，這一位同事因無法忍受老細「一言堂」的作風，繼而決定離職。而在離職的過程中，他竟然做出此舉，令人大為驚訝。

按下圖即睇事主經歷及網民留言：

+17

+16

事主：事緣有個同事一向同老闆娘唔啱，起因係老闆娘作風太過一言堂，講任何嘢出嚟唔係想問意見，而係要你執行同附和，而且會突然跳掣，用一啲好侮辱性嘅說話鬧人。

事主：同事同老闆娘嘅衝突多不勝數，問心嗰句，通常都係老闆娘提出白痴兼無理要求嗰陣，同事先至會同佢嘈，一般情況之下，佢係會當老闆娘透明。咁點解老闆娘唔炒咗佢呢？因為佢真係做到嘢囉，不過老闆娘應該都想炒嘅，只係一直搵唔到replacement啫！

事主：由於老闆娘永遠覺得自己係宇宙最強，完全冇諗過同事上個月竟然主動辭職，老實講我雖然諗過有呢一日，但好似比預期中早咗。

事主：老闆娘向同事吩咐過，佢離職之後第二日就踢佢出公司個WhatsApp group，話驚佢會偷公司啲資料同策略喎……

事主：點估到佢喺last day當晚先下手為強，自行quit group，quit之前仲打咗以下一段說話：「可以離開呢間公司真係開心，跟住個自大又無腦嘅老闆，我發覺呢一年IQ都低咗，仲有呢度成班垃圾高層，我知你哋睇到，繼續做應聲蟲瀨鞋底啦，你哋真係好似太監侍候娘娘咁呀！唔使再見到你哋班廢人心情特別靚，等睇你哋公司出事，係咁先！」

事主：有個高層率先發難，喺大group覆msg問：「你講咩呀？」跟住老闆娘仲好笑，竟然覆「嬲嬲」emoji，呢個時候佢一嘢quit group。爽！

辭職向來都是一門學問，即使已經結束僱傭關係，不少打工仔都希望可以「好來好去」，只為日後可以好相見。這則帖子一出即引來不少網民熱議，紛紛留言分享看法。對於「鬧爆」老細的這個行為，大多網民都表示大快人心。他們亦表示無法理解老細「一言堂」的作風，直言雙向的溝通是團體合作最重要的因素。唯有保持溝通，才能減少意見分歧，讓工作事半功倍。

老細睇你唔順眼其實有跡可尋？按下圖即睇老細睇你唔順眼嘅5大表現。

+8

+7

老細員工只可以打對台？按下圖即睇8大貼士，助你打好彼此關係。

+17

+16

延伸閲讀：【辭職學問】00後用WhatsApp講辭職被指「0尊」！辭職信要點遞先正確？

延伸閲讀：【職場八卦】問同事拎返飯錢反被斥「孤寒」？事主：WhatsApp group仲移除咗我⋯⋯

延伸閲讀：【職場八卦】同事喺工作群組喪send OOOO 網民：有花生唔係唔食？

延伸閲讀：【職場熱話】打工仔翌日sick leave半夜wts同事交低手頭事被罵 網民：好心你朝早先send啦

最新專訪片︰
【星級斜槓族】Shirley陳欣妍積極經營YouTube展現最真實自我 孖男友沈震軒升呢健身室老闆

⏩⏩  需要請人？立即刊登招聘廣告！  ⏪⏪