【職場兩性】老公經歷事業低潮與另一半冷戰一個月老婆：唔知可以點幫佢

2021-09-09

人生有起有跌，特別是疫情這兩年，全球經濟受挫影響打工仔的生計，不少人要另覓工作，重新由零開始。最近有一位女士在討論區呻苦，指其丈夫正經歷事業低潮，事業上的失意令夫妻關係面臨危機。「佢日日返到屋企就唔出聲，兩公婆一個月無認真傾過偈，我都唔知可以點幫佢……」

延伸閱讀：【另類職人】90後OL實現兒時夢想出道成為新晉填詞人疫下發展斜槓事業

按圖了解事主的夫妻問題：

+11

+10

老婆分享：「之前經濟唔好，我老公嗰行好受影響，斷斷續續放咗好耐no paid leave。佢好易受同事影響，人哋話有好路數就跟人走，轉咗做另一個全新行業。不過生意無咩起色，有陣時收入仲低過之前，佢又未適應新工作環境，成個人好頹。我早排坦白同佢講，呢份工未必啱佢做，而且睇落無太大前景。佢就覺得我唔撐佢，話我係行外人唔識嘢，同我講只係嘥氣，鬧咗場交。之後佢日日返到屋企就唔出聲，冷暴力對待我，兩公婆一個月無認真傾過偈。而家結咗婚等於無結，食飯得我一個講嘢，佢又唔表達自己煩緊咩。我都唔知可以點幫佢……唔通為咗份工就要搞到我哋離婚？」

網民有咩意見？

網民Ａ：冷戰真係好白痴，咁樣做解決唔到問題之餘，仲破壞雙方關係。我係嗰種要當晚講清楚先瞓覺嘅人。
網民Ｂ：最憎啲男人無錢就鬧老婆，有咩唔掂咪大家一齊商量囉，一人計短二人計長。
網民Ｃ：通常男人都係因為面子問題，而唔會同老婆講自己有咩煩惱。不如試吓問佢啲兄弟？可能拎到更多資訊。
網民Ｄ：靠自己一個易過靠男人，幾十年流流長，唔知佢幾時低潮，唔知佢會唔會感激女人陪佢過低潮。索性唔好煩，自己過好自己生活算數！
網民Ｅ：睇完樓主所講，對住呢種男人會好辛苦，睇唔到將來，如果係我會寧願離婚。
網民Ｆ：有種人就係「只能共富貴不能共患難」，
網民Ｇ：或者陪伴已經係對佢最大嘅幫助，得閒煮啲好嘢畀佢食，提議去吓staycation，令佢唔好太集中諗工作。

正所謂「萬事起頭難」，轉行或要從頭學起，起初難免會遇到挫敗，最重要是及時改正錯誤，重整心態，以後不要再犯同一問題。只要用心學習，無論幾多歲轉行都可以走出屬於自己的一條路。

兩夫婦在乎坦誠相對，家人永遠是最強大的後盾。希望事主能早日解開心結，一同面對所有難關。

為大家整理出犯錯後要做的5件事：（按圖了解）