【職場兩性】女友工資比自己高 打工仔感衝擊 網民:你應該要高興

【職場兩性】女友工資比自己高 打工仔感衝擊 網民:你應該要高興

當今世代追求男女平等,但無可否認社會大眾依然對性別定型,塑造了一些固定的性別形象,例如男性不適合穿裙子、女性甚少在某某行業工作等。傳統上,男性被視為生理上較強壯的一方,被認定為照顧者。將此邏輯繼續演繹,社會普遍期望男性要有較佳的經濟能力,能夠扛起一頭家,為女性遮風擋雨。

話雖如此,大部分發達地區的男女就學與就業機會早已趨向一致,女性投身社會後擁有高薪並不出奇。最近,有一名男網民到社交媒體專頁「奴工處」發文,指出女友的薪金較自己高,頓感衝擊,隨即引來網民討論。

延伸閱讀:【職場熱話】朋友愛比較工作待遇 打工仔大呻心好累:每次食飯都傾人工講到悶

即睇事主分享及網民回應:(按圖了解)

事主:同女朋友拍咗幾年拖,佢一直都唔講自己搵幾多。

事主:見佢平時都幾慳家,樣樣嘢都計住,點知今日我發現佢搵幾多錢,但我感到好衝擊……

事主:明明佢細我8年,但佢仲搵得多過我5K……利申:我而家32歲。

網民:5K唔係差好遠,我以為差5皮。

網民:乜樓主咁大男人……

網民:證明佢係睇中你個人唔係睇中你啲錢,應該值得高興。

網民:呢個女仔幾好,搵多過你都唔介意同你一齊,仲怕你唔開心唔講你知!

網民:當年我畢業,第一份長工都多過我男朋友,無乜問題吖。

網民:其實誰多誰少不是問題,最重要相愛在一起。

網民:有時際遇嘅嘢話唔埋嘅……

網民:多5000咋喎……會覺得5000好多的話,其實即係事主本身人工都真係唔高……

網民:其實你都好搵得,搵到個細你八年而搵到多過自己嘅女友!叻仔!

網民:自己搵多過女朋友5K就得,女朋友搵多過佢5K就唔抵得?係咪睇唔起女人乎?

網民:開心事,到佢搵多過你50K,你就可以唔做嘢,喺屋企掃地算啦。

網民:如果女友搵得又邊個想姨姨吖!

網民:你自己應該檢討一下點解會咁。

不談論薪金或源於理解 網民籲事主珍惜女友

雖然眾多意見認為兩人薪金差異只有5,000港元不足為奇,但有網民提及「女仔搵得多過你唔畀你知可能係顧及你感受」。即使兩性漸趨平等,但傳統根深蒂固的觀念始終會讓部分男性因女友擁有較高薪金而感到不安。不少網民認為事主女友是個好女仔,替事主感到高興,有留言表示「佢一向都唔同你講,佢應該知你介意,佢好替你諗」,所以事主要「好好珍惜個女仔」。

另有網民認為事主無需太介懷,「男女公平嘅,無話邊個搵多搵少就好定壞」,最緊要是「雙方都唔係入不敷支就可以」。

延伸閱讀:【職場兩性】新同事追上司前女友 打工仔欲提點 網民:唔好多事

延伸閱讀:【職場兩性】男朋友幫女同事買M巾 女友出Post求救:關係不單純?

延伸閱讀:【職場兩性】新同事係前女友 打工仔苦惱應否同現任申報

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告