【職場兩性】住公屋打工仔 女友住半山 感差距大喊分手 網民:最介意嗰個係你自己!

【職場兩性】住公屋打工仔 女友住半山 感差距大喊分手 網民:最介意嗰個係你自己!

拍拖,很多人會在乎對方的職業與薪金,如果對方能夠養起自己,這不就是大家夢寐以求的狀況嗎?對於女孩子可能是,不過如果有錢、能養起對方的一方是女生呢?男方可能心底裡會覺得開心,但自卑與自尊卻令他們開心不了,更可能因此而考慮分手……

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

有男網民在討論區Dcard上分享自己與女友的差距甚大,令他有點不知所措,更因此而分了手……「有一個啱啱分手嘅ex係有錢人,住半山個種,外國留學,由細到大咩都用最好。令我呢個公屋仔大開眼界,同時都好自卑,出入佢會畀晒錢,因為佢知我畀唔起,佢又想我食好嘢 ,但一路用佢嘅錢,個心一路都唔好受,所以最後講咗分手。因為家境差太遠,好多嘢都冇可能夾到,我又唔想佢為咗我拖低生活質素,唔通真係叫佢去食譚仔咩?但我依家仲對佢有留戀 ,其實心入面仲好鍾意佢……」

他再補充:「我未來根本追唔上佢,佢碩士畢業,我得中六學歷,佢做神科,我就做文員,真心配唔起,任何一個路人都會咁同我講。」

不過,拍拖不是兩個人相處的事嗎?工作、學歷、薪金,就可以量度一個人配不配?難道事主覺得自己除了這些外,就沒有其他可取之處?

即睇網民回應:﹙按圖了解﹚

-假如佢冇明確對你表示過嫌棄,咁我認為其實你唔使冇自信。可以同佢多溝通,好好規劃自己嘅未來努力、提高自己,唔使畀自己太大壓力。你對佢嘅愛同關心,係再多錢都買唔到嘅。

-你又知佢唔肯陪你食譚仔?

-我覺得假如你過咗好多年仲係賺唔到錢,但你平時生活中對佢好好,每日好好關心她,好好過一輩子嘅話,咁對於佢嚟講都係好難得,佢都會好珍惜。

-其實真係唔啱嘅,你留都留唔住;真係啱嘅,你擋都擋唔到,畀心機啦,好好珍惜佢,你更加要學識點去愛佢,錢係呢個世界係有好多嘢買唔到,其中一樣係情。

-花時間去認為自己不配,不如用係同佢相處上,同諗點樣發展自己嘅事業,實際去做,人哋自然會感受到。

-唔好再畀呢種封閉思想去荼毒你。佢欣賞嘅係你,唔係你嘅背景,過往經歷,唔係同自己愛嘅人比較,你再成世人都自怨自艾,就真係乜女仔都唔會鐘意你。

-你上進啲咪得囉!成個世界得你一個睇你自己唔起!

-門當户對好重要,始終人個心係自私,個個都想追求平等,喺一段關係又何嘗唔係?當然好多人識講唔需要care呢啲,最重要係鐘意,但鍾意可以keep幾耐?最重要係相處得舒服,而唔係依家就有後患,依家斷咗留返美好回憶,好過真係炒大鑊先分手。

-如果佢真係好介意,就唔會出埋錢請你食好嘢,好介意嘅話,當初就唔會同你起埋一齊,最介意嘅人其實係你自己。

-真係等男人醒覺,佢哋內心嗰套父權諗法太根深蒂固。男女都係人一個啫,完全唔明點解男人要咁自卑。 如果女仔真係介意,一早就唔理你啦。同得你一齊,都知佢係鍾意你個人,唔係你有冇錢。

 

自卑才是問題
門當戶對真的如此重要?有網民表示:「門當户對好重要,始終人個心係自私,個個都想追求平等,喺一段關係又何嘗唔係?當然好多人識講唔需要care呢啲,最重要係鐘意,但鍾意可以keep幾耐?最重要係相處得舒服,而唔係依家就有後患,依家斷咗留返美好回憶,好過真係炒大鑊先分手。」是唯一支持事主分手的網民,不過如此就放棄的話,其實事主對對方可能就未如此喜歡吧?

因為已經假定了自己不會改變,沒有嘗試過去縮短差距,就先放棄?有很多網民都指,其實事主最大的問題是自卑,「唔好再畀呢種封閉思想去荼毒你。佢欣賞嘅係你,唔係你嘅背景,過往經歷,唔係同自己愛嘅人比較,你再成世人都自怨自艾,就真係乜女仔都唔會鐘意你。」

用工作、薪金來量度自己,用此就能來判斷自己是否一個能付託終生的人,忽略了自己其他的優點,這只會令自己一直都不愉快下去。正常網民所說:「男女都係人一個啫,完全唔明點解男人要咁自卑。 」

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統

延伸閱讀:【全職爸爸】由舞蹈員到全職爸爸 試過凍水開奶、搽錯cream、仲有唔小心……

延伸閱讀:【職場戀愛】男上司同男下屬打機 情到濃時鍚咗啖 網民:快啲表白!

延伸閱讀:【職場戀愛】男上司追男下屬 結局竟然反轉? 網民:sweet過睇BL!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow