【網絡熱話】網上流傳診所助護被迫去後樓梯食飯 網民：為份工失去尊嚴值得嗎？

早前網上討論區流傳幾張診所助護在後樓梯食飯的照片，事主在社交媒體指出老闆擔心公司會有曱甴出沒，因此禁止員工在茶水間進食，只好躲在大廈後樓梯或廁所外吃飯。目前該用戶已轉為Private，並刪除所有照片，但網民的留言不絕，紛紛勸事主辭職及供出無良診所。

延伸閱讀：【移民潮】香港護士協會調查︰53%護士擬移民

根據該用戶發布的內容，她們自稱「在後樓梯生存的姑娘」，在中環某診所上班。平時在大廈後樓梯用摺椅當飯桌，蹲起來吃外賣，情況狀甚可憐。除了惡劣用餐環境外，老闆在八號風球懸掛當日，並沒有提供Lunch Time，只靠醫生送的鬆餅捱過10小時。

網上流傳診所助護食飯的情況：（按圖了解）

+12

+11

網民意見：
網民A：個老細係咪有病？後樓梯又大塵，平時仲會擺垃圾，夏天實焗死啦。

網民Ｂ：而家醫護人手短缺，好多診所同老人院都需要姑娘，辭職搵過第二份工啦！

網民Ｃ：可憐之人必有可恨之處，佢哋接受到呢種待遇都唔辭職，怪得邊個？

網民Ｄ：想同幾位姑娘講，你唔辭職由得老闆咁樣剝削，只會助長佢繼續咁做，到時又會有其他人受害。大把工高人工過呢種無良診所，返工返到隻狗咁咩尊嚴都無晒，真係值得咩？

網民Ｅ：今日先開完會話唔畀喺公司食飯，話搞到Office好大味，唉唔通日日都出去食咩，好貴囉……

網民Ｆ：同拍拖一樣，一個願打，一個願捱，唔啱咪唔做囉，做咩咁委屈自己？

網民Ｇ：大把地盤佬坐喺工地食，有後樓梯坐算係咁啦，無學歷要打人工就預咗受老細氣啦，有本事咪quit囉。

網民Ｈ：其實落街去餐廳堂食同外賣價錢唔係差好遠，點解要坐樓梯呢，令人費解……

網民Ｉ：會唔會係之前有人喺pantry食完嘢無手尾，啲飯盒菜汁整到周圍都係，所以先迫老細set規矩？

雖然僱傭條例並無規定僱主要為員工安排用膳地方，亦沒有設立最低用膳時間。不過根據香港法例第509章《職業安全及健康條例》，僱主該提供所有所需的資料、指導、訓練及監督，以確保僱員的安全及健康，並提供及維持安全及健康的工作環境。

加上，後樓梯通常是走火通道，萬一發生火警時，事主擺放的桌椅及雜物隨時影響逃生，危害市民安全。建議事主向僱主反映問題，共同締造良好的工作環境，員工會更有歸屬惑，對公司有利無害。

今次的事件令人想起去年政府實施食肆全日禁堂食時，不少打工仔被逼在戶外地方用膳，食飯衛生環境惡劣，有時更加遭人影相批鬥，令人心酸。希望各位僱主將心比己，切勿剝削員工的應有權利。

延伸閱讀：【醫護熱話】Fresh grad護士大呻壓力大到日日喊 網民：第7個禮拜會settle

延伸閱讀：【進修轉行】30歲老婆想轉行做護士？老公︰而家先嚟讀書好貴

延伸閱讀：【NGO百科】醫護行內術語大檢閱：病人篇 人狼、菜菜子係點解？

如果大家在職場上有不開心想發洩，或是對《勞工法例》有疑難，歡迎投稿給我們，我們會盡量解答你的問題，當打工仔的樹洞！👉 https://forms.gle/o2K2DaZWXzLFhypT7

⏩⏩  需要請人？立即刊登招聘廣告！  ⏪⏪