【網絡熱話】琴行出$18,000請演奏級鋼琴老師一星期返60個鐘惹爭議

2021-09-23

藝術有價？最近在Facebook群組「香港樂器導師配對群組」，出現一則具有爭議性的招聘廣告，引起網民激烈討論。有琴行想聘請一名有演奏級資歷的女鋼琴老師，一星期工作六天，合共60小時，而月薪只有18000元……你又認為合理嗎？

延伸閱讀：【網絡熱話】豪宅住戶出價$800請大學生清潔+私補+教琴網民：你係無知定刻薄？

按圖即睇天水圍一琴行的招聘要求：

+18

+17

- 鋼琴演奏級一級或以上

- 八級樂理或以上

- 識其他樂器優先，可以教到演奏級一級學生更佳，因有多名學生

- 守時

- 遵守職業操守

- 對教琴工作有熱誠

- 月薪18,000元

- 每月7號出糧

- 包強積金

- 逢星期一休息

- 星期二至五12點至9點，星期六和星期日9點至9點（中途有一小時休息）

網民回應：

網民Ａ：如果可以開到以上條件，可見老闆對音樂業界行情甚少理解，加上9至9工作時只有一小時吃飯休息，罔顧老師體力要求。如果長時間喺呢間琴行教學，導師亦難以集中精力。
網民Ｂ：一個月4個星期，合共240個鐘，時薪75蚊，清潔姐姐唔止啦，演奏級拎呢個人工教琴？
網民Ｃ：最惡頂係7號先出糧，唔到deadline都唔出……可想而知間公司有幾垃圾。
網民Ｄ：痴線，依家演奏級教5級都起碼收$600一堂，教8級收$800一堂，18k搵鬼做。
網民Ｅ：乜琴行導師唔係拆帳嘅咩？包月係咩玩法？仲有考到八級再上都唔會喺琴行演奏級啦，個老師都會暗示叫你直接跟佢。
網民Ｆ：得罪講句，18k請個12碼保安都未必搵到，仲要識教琴教到演奏級？我去做保安坐喺度玩手機唔好。
網民Ｇ：藝術唔應該咁廉價，喺度做老師，演奏級都被踐踏為下等雜工，可見其人性極其醜劣。
網民Ｈ：家陣有演奏級仲慘過洗碗……祝福你可以請到正常老師！
網民Ｉ：月薪應該係 $180,000，你打少咗個零。

即睇更多鋼琴導師職位空缺

現在越來越多僱主在社交網站或討論區刊登招聘廣告，信譽未必有保證，作為一個精明的求職者，應該了解清楚才應徵，以免墮入求職陷阱。以下有多個招聘廣告，使用各式各樣的奇怪用語吸引求職者，你又見過幾多？

按圖了解奇怪招聘廣告用語：