【網民職場Talk】90後打工仔難忍OT文化　力斥Old Seafood做壞規矩

職場上的世代矛盾，向來都難以解決，上一輩看不過眼年輕人的工作態度，年輕人不理解上一輩的執着，當中亦不乏年長一輩對年輕人的偏見所造成。有90後的打工仔在網上討論區發帖，批評資深員工（又稱：Old Seafood、老屎忽）造成的辦公室文化，令人喘不過氣來。

準時收工是原罪？　90後批OT文化要不得
發帖的90後表示，曾經因為長期在電腦前工作令雙眼疲累，於是到茶水間喝水並小休數分鐘，結果遭到「老屎忽」批評並質疑：「想休息到幾時」，令事主事憤難平：「我坐咗唔夠5分鐘，真係想做死人咩。」此外，事主亦批評公司的加班文化：「明明朝九晚六，但啲同事可以做到九點先走，準時收工仲被人話我唔識辦公室文化。」

帖文引起熱烈討論，有人贊成事主準時開工準時收工的做法，更認為：「有時間OT不如去進修好過」，亦有人認為OT與否視乎職級：「低級職員當然準時收工，但如果係中層又想升職，準時收工就有風險會得罪老細或主管。」亦有網民不滿亞洲地區的辦公室文化，批評打工仔總覺得老闆就是一切，但事實上勞資雙方的地位理應是對等的：「佢畀錢你，你畀技能同時間佢。」

延伸閱讀：【職場文化】有打工仔竟熱愛OT　網民：聞到好大陣奴隸味

3個特徵 找出身邊的老屎忽
要對付職場「老屎忽」實非易事，但我們仍可以根據以下特徵找出「老屎忽」，敬而遠之：

1. 永遠是對的
世界這樣大，明明「條條大路通羅馬」，解決方法可以有好多種，但惟有是「老屎忽」提出的辦法永遠是「王道」，其他人的建議於他們眼中一律都是又蠢又廢，就算你解釋，他們都只會「表面接受，態度依舊」。

2. 故作提醒 實擺姿態
為了展示自己「高高在上」的地位，辦公室事無大小都要向「老屎忽」報告，說漏半句隨時都會得到「溫馨提示」，例如：「阿妹，下次有咩唔Sure 可以問吓啲Senior，搵我都得㗎，不過其實我都無義務同你講嘅，提吓你啫。」

3. 最鍾意「畀你學嘢」
「老屎忽」表面上說是「畀個機會你學嘢」，實際上是想偷懶，將責任「轉身射個三分波」推得一乾二淨，問到底他們在忙甚麼呢？又啞口無言。

更多職場文章
【職場文化】打工仔放大假仍被要求開工 網民：做壞規矩！
【網民職場Talk】打工仔分析3個OT原因 工作做唔完未必係能力問題
【職場人際】犯眾憎同事點解咁討厭？　網民總結四大死罪

⏩⏩  需要請人？立即刊登招聘廣告！  ⏪⏪