【網民職場Talk】表白被拒 男同事竟然咁做......

正所謂「喺到食唔好喺到屙」，辦公室戀情很容易被認為是負面、牽涉公私不分的情況。如果有同事向你表白，你會怎樣做？相反，如果因工作而認識心儀對象，卻慘遭拒絕，你又會如何處理？最近有OL請男同事「食檸檬」後，竟遭受如此對待……

延伸閱讀：【職場奇聞】女同事老公踩上公司 事情發展令同事目瞪口呆

被拒絕後態度180度改變
近日「被表白」的OL向「奴工處」專頁投稿，指近日有男同事向她表白，遭她拒絕後，對她的態度立即出現180度改變：「無禮貌又唔理我，有公事要同佢交接，佢又推畀人做」。如此情況，令事主深感無奈。明明不想公私不分，卻偏偏因為「情情塔塔」的事而影響工作，逐希望一眾網民提供解決方法。

網民︰男同事無風度
網民紛紛留言指男同事的做法欠風度：「做唔到情侶啫，做朋友都得啩」、「慶幸拒絕咗，唔係分手可能要辭職」。有人則認為：「風度唔係老奉嘅，唔影響工作你又真係咬佢唔入」。更有人認為這樣的結局反而更好：「仲好啦，見真章」、「好彩拒絕咗」。相反，有網民覺得只是事主主觀地認為對方態度變差：「其實唔係態度差咗，係無咁好啫，追你嗰時實特別好！」。

被表白變麻煩事
OL被表白，實屬等閒事，幾乎每天都會在各個辦公室裡發生。有白領儷人指，本身已有男朋友，但曾經試過被男同事追求，「我男朋友同我哋係同一間公司，但唔同分店，而佢又知我有拍拖，但佢間唔中會接我收工…跟住我叫埋男朋友接我收工」。不少人留言指在公司搞戀情，的確很容易變成麻煩事，「所以溝女行遠點，唔好攪同事」。

延伸閱讀：【職場熱話】返工慘遇痴女同事 每日「被拍拖」勁痴身點算好？

認真商討方為上策
打工仔為求保飯碗，必須確保工作不被私人事影響，有人就提議事主：「大聲啲講個事實出嚟，畀同事八吓呀嘛：你溝我唔到就發老脾呀？」、「試吓認真同佢傾傾，勸佢公私分明」。如果商討過仍未能如常工作，就應採取進一步方法：「公事，當然要公辦，佢唔肯公辦，咪做個紀錄囉」。有樂天派則認為：「如果淨係態度差就唔理佢，正常做嘢就得，遲吓佢有新目標就唔得閒理你架喇」。
 

⏩⏩  需要請人？立即刊登招聘廣告！  ⏪⏪