【網民職場Talk】做婦科手術竟被斥「麻煩嘢」 即睇6大向平機會投訴所需資料

【網民職場Talk】做婦科手術竟被斥「麻煩嘢」 即睇6大向平機會投訴所需資料

「我只想身體健康...」,誰也不想身體抱恙,造成其他人的負累。家人、密友可以無條件支持,但上司就未必會作出慰問和關心。而欠同理心又只顧工作的上司,甚至會出口傷人。有OL向《奴工處》專頁投稿,指最近因「女人病」而要請病假,卻慘遭侮辱......

延伸閲讀:【網民職場Talk】女朋友日日OT原來全因女上司......

「盡快處理好你啲麻煩嘢」
事主近日不幸患病,向婦科醫生求醫後,得知幾個月後要做大手術,隨通知上司有關覆診日期和手術期。想不到竟換來上司的刻薄回應:「乜得咁多嘢要割,唔該你盡快處理好你啲麻煩嘢,講完!」。網民紛紛表示這名上司既無禮又無同理心,更有人狠下詛咒:「他朝君體也相同」、希望他「will be the next one」。

你不仁 我不義
大量網民留言支持事主,指上司實在無必要如此刻薄。有人就安慰事主,並建議她先照顧好身體:「呢啲mean爆嘅人,其實唔使理,有醫生紙,假照攞,理得佢,無謂浪費力氣嬲呢啲無品人」。有人就本住「你不仁,我不義」的取態,建議事主這樣做:「索性唔好提。覆診當日自動消失,射埋波」、「可以唔使理佢,有假就盡放,照顧好自己先」。有人更認為應盡早遠離這種上司:「處理完私事後,要盡快處理埋啲麻煩嘅公事呀...此地不宜久留」。

懷孕期間被指斥「麻煩」
職場上被言語所傷害,實非罕事。有人就留言分享相關經歷:「我試過大肚嗰時,揾張紙擋住公用Printer嘅廢氣,都畀個女上司話我麻煩,仲同再上一層投訴,話我懷孕期間特別關心自己健康」。面對職場歧視,不少人會選擇向相關機構求助,有人就建議事主「問吓平機會算唔算歧視」。

延伸閲讀:【網民職場Talk】一遞信即被侮辱 打工仔被斥:你無用架喇!返出去!

向平機會投訴所需資料
若在職場上遇到任何歧視,不應猶豫,立即向平機會作出書面投訴。向平機會投訴所需資料如下:
1. 歧視行為之詳情及有關日期;
2. 閣下的個人資料包括姓名和聯絡資料,其他資料包括:性別或懷孕情況(關於性別歧視)、殘疾性質(關於殘疾歧視)、婚姻狀況和子女數目(關於家庭崗位歧視),或種族(關於種族歧視);
3. 歧視者 / 答辯人的姓名或公司名稱,與及他們的聯絡資料;
4. 閣下受歧視、騷擾、中傷或使人受害的佐證資料;
5. 閣下因受歧視而蒙受的任何損失或情緒困擾等詳情;
6. 目擊證人的資料(例如他們的聯絡資料和所目擊的事件經過)。
 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告