【海外職場】香港返足7日 嫁到芬蘭做廚房好爽 港女：終於感受到咩叫生活！

在香港生活，充滿着打工的壓力，所有時間都放在營營役役地工作上，想好好享受生活？偶爾一兩天假期、staycation已經是天大的恩賜。香港人的「生活」就是如此，可是，大家有想過逃離如此的「生活」而體驗真正的「生活」嗎？

延伸閱讀：【另類職人】自小幫家人開雞檔 現以跳舞、演藝為生 Catry：從來冇為街巿出身而自卑！

有網民在社交平台專頁「奴工處」上投稿，以「港女遠赴芬蘭打工：『終於感受到咩叫做生活！』」為題，分享道：「從前喺香港返足七日工正職：牙醫助護；假日：周圍炒散、飲食業﹙洗碗/侍應/廚房﹚。兩年前嫁咗嚟芬蘭，拎政府支助返學，學語言加工作實習﹙酒店廚房﹚然後得知芬蘭做廚好爽！工作時數：38hrs/星期，5天工作年假；做滿一年：30天；做滿兩年：37天。我終於感受到咩叫做生活！」

各位網民羡慕之餘，亦唏噓地表示：「淨係OT時數，都多過你個返工時數！」非常無奈……

+11

+10

網民：「7日AL﹙仲要新年扣假﹚，無OT、無補假、返Shift、輪休放閒日、天地更、12碼、返6日、無病假、放勞工假、請假要兩星期前申請、有機會唔批、遲到扣勤工、一星期72碼起標……﹙利申: 返過﹚建議來生唔好做香港人，做錯好多事先要打奴工。」

網民：「冇偈啦，北歐文化真係注重work-life balance and mental health嘛。亞洲人仲係覺得mental illness = laziness.」

網民：「我都申請緊加拿大個open work permit，香港真係做到我頂唔順。」

網民：「有沒有人介紹，娶我過去。」

網民：「我都係牙醫助護，人工唔高，工時長，但做到成隻狗咁，有時仲要受醫生氣！但為咗搵食，死頂。」

網民：「你嗰度叫生活，我哋呢度叫生存。」

網民：「淨係講香港工作，冇經驗都要求你一埋位就識做，仲要快！」

網民：「去外國做二等公民真係慘，啲假多到唔知點用。」

網民：「首先1.你要係女、2. 要有芬蘭仔畀你嫁過去；此topic已完。」

網民：「洗碗都可以遠嫁芬蘭⋯⋯佩服！」

網民：「淨係OT時數，都多過你個返工時數！」

網民：「香港叫做奴隸，外國先叫生活。」

網民：「真係正，外國生活，又無經濟壓力，工作又無香港咁緊張，仲好多姿多彩，假期又多！」

自怨自艾的你 有沒有想過改變？
很多網民在事主一對比之下，都覺得香港的所謂「生活」其實非常高壓，與外國的工作模式可謂不能相比，「北歐文化真係注重work-life balance and mental health嘛。亞洲人仲係覺得mental illness = laziness.」

亦有不少網民指首先要有一個芬蘭老公之類，又說：「你嗰度叫生活，我哋呢度叫生存。」、「香港叫做奴隸，外國先叫生活。」

不過，在自怨自艾羡慕別人的同時，你有沒有想過主動去改變？如果連第一步都不踏出的話，只懂得怨天尤人是不會有結果的。如果真的想為自己的人生作出改變，不如認認真真了解一下移民的資訊吧！

而就算不移民，在香港生活都可以有質素，想想自己真正追求的是甚麼，怎樣才可以有效率地去達成，不要一味只埋怨，所以成果都是需要經過自己的努力才可以得到！

延伸閱讀：【另類職人】自小幫家人開雞檔 現以跳舞、演藝為生 Catry：從來冇為街巿出身而自卑！

延伸閱讀：【另類職人】凶宅清潔師見盡凶案現場 血跡未算最驚心 更試過被報夢…

延伸閱讀：【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀：【另類職人】劍擊十年 由運動員到社工 轉職感言：兩者最着重同是「溝通」

⏩⏩  需要請人？立即刊登招聘廣告！  ⏪⏪