【歐國盃Euro】同事晚晚睇波返工恰眼瞓無被老細鬧仲升呢做「貼身隨從」？

2021-06-30

講到近排大熱，非《歐洲國家盃》 (歐國盃Euro)莫屬，即使你唔睇波，都應該喺Facebook、IG瘋狂碌到C朗拿度（Cristiano Ronaldo）早前喺賽前新聞發佈會，拎走兩支可樂，兼舉起一枝清水嘅相片。《歐國盃》熱潮有幾勁，相信都唔使多講，不過最近讀者JJ就大呻因為《歐國盃》，令公司有男同事日日返工恰眼瞓，但呢個唔專業嘅舉動，不但無畀老闆鬧，仲成功上位，做埋「貼身隨從」，究竟發生咩事？

按圖了解男同事上位經過︰

+14

+13

事緣《歐國盃》開鑼之後，讀者JJ公司嘅男同事，紛紛陷入足球狂熱，仲有位男同事晚晚睇波，搞到唔夠瞓，第二朝返工恰眼瞓，仲不停做漏嘢，得罪成班客。不過呢位男同事居然無被老細鬧，佢明知老細鍾意睇波，一見到老細喺Office，即刻走去吹水講波，搞到JJ睇唔過眼。但最令JJ嬲爆嘅係，老細居然唔理嗰位男同事做錯嘢、恰眼瞓，仲喺咁多同事面前，點名叫男同事上佢屋企睇波，令JJ不禁大鬧「嘩…做嘢做成咁，都可以變成「貼身隨從」，咩玩法？究竟為咗睇波，可以去到幾盡？」

延伸閱讀︰【歐國盃】足球評述員專業術語！炒芥蘭開汽水牛油手係乜？

想成功上位？5大老細潛台詞你要知！
想喺職場上，成功做到管理層，每個月幾萬蚊袋袋平安？除咗要靠平時嘅工作表現，識得睇眉頭眼額都好重要，以下有5個老細最常用嘅潛台詞，想捉摸老細嘅內心世界，不妨細心解讀佢嘅每句說話啦。

按圖了解5大老細潛台詞︰