【情人節】單身女上司放工後Call會 網民︰約佢去海皇粥店

情人節「街裡愛人一對對」，叫單身人士情何以堪？想必不少公司樓下都會企滿等男或女朋友放工去慶祝的另一半，不過最近就有網民於討論區發文抱怨，指單身女上司竟然於情人節這個「大日子」，要求於放工後Call開會……

上司要求無理？
事主的女上司因為情人節當日要外出開會，所以於Office Hour內無法返回辦公室，但會於放工前趕回公司，與下屬討論未來計劃及順道完成Appraisal。一眾同事知道後向上司詢問可否後日再開會，上司即「黑面」道：「咁2月份糧我4月先出畀你囉！」估計令不少同事都要「放另一半飛機」。

不少網民都認為女上司刻薄，又指改期開會不犯法，但遲出糧就肯定犯法，更戲謔不如叫公司男同事向女上司展開追求，做「公司救世主」；亦有網民提議事主相約女上司到海皇粥店吃情人節特別推出的「單身套餐」；其他網民則指做得打工仔就「預咗」：「人地畀得起錢，你又唔係咩大官，實要受喎。」

網民反應
網民A：「直接話聽晚唔得閒，要開就後日先。打工唔代表要一日24小時就佢架？夜晚有安排點解要遷就佢？」

網民B：「永遠女人先最難為女人，如果係單身男上司，唔會今日死都要開會。」

網民C：「很多上了年紀的成年人根本不會當情人節是甚麼大日子！睇戲太多了小朋友！」

網民D：「只可以硬食……除非辭職。」

⏩⏩  需要請人？立即刊登招聘廣告！  ⏪⏪