【工作態度】放棄拼搏工作認為hea做就夠　打工仔：唔使人執手尾就得

不論進入大學還是投身社會，每次轉換人生階段的時候，許多人也會訂下鴻圖大計，例如商科生夢想成為年薪過百萬的金融才俊，文科生或希望用文字帶動社會思潮等。但當面對社會的時候，曾經出現的那股衝勁，又剩餘幾多呢？最近有一名打工仔向社交媒體專頁「奴工處」投稿，指自己曾經十分討厭職場上工作懶散的人，但豈料當今的自己也打算成為那種人，隨即引來網民熱烈討論。

延伸閱讀：【職場熱話】24歲女返工壓力大致失眠 仲要食降血壓藥 網民：再唔辭職有錢無命享！

即睇事主分享及網民回應：（按圖了解）

+8

+7

事主：以前返工好憎啲人明明勁hea，但成日周圍行嚟行去飲飲食食，仲要不斷周圍同人講自己好忙。

事主：不過，我而家個目標就係做呢類人。

網民：做咩人唔緊要，最緊要自己舒適同唔使人執手尾，咁樣再hea都唔反對。

網民：當你變成佢哋咁，你會過得好唔舒服，因為你根本就唔係呢類人。

網民：終於成長了……

網民：咁係好事，即係代表你喺社會大學學有所成。

網民：其實返工係做好八個鐘頭嘅戲。

網民：我明明好忙，但上司都係覺得我好得閒，做啲嘢好簡單。

網民：有啲人明明日日Hea做又扮忙，其實良心過意得去嗎？

網民：夠做得，只會成世做工兵，又唔會有得升；夠廢柴，老細唔敢畀嘢你做，其他人又唔會搵你做嘢。

網民：你最後會知道一句老細成日講嘅說話：間公司無話無邊個唔得。

努力難獲肯定　網民慨嘆：社會摧殘人生

老師經常向小孩灌輸努力就有回報的概念，但有許多人投身社會過後才明白付出與回報未必有必然關係。有網民認為事主受社會洗禮後終於覺悟，慨嘆社會摧殘人生。一名網民留言：「你終於明白社會係無公平，一分耕耘係唔會有一分收穫，呢啲只係用嚟呃小朋友㗎咋。」

曾任教於本港多間大學社會學系課程的呂大樂教授早於2007年撰寫《四代香港人》一書，當中指新世代（八十年代後出生的第四代）生於黃金時期末期，未能享受經濟起飛的機遇，加上成長不時受到父母輩束縛，而戰後嬰兒潮（第二代）普遍不肯退下來，導致上流機會狹窄，書中更尖酸地提及第四代一開始便是「失敗者」。

許多發展成熟的經濟體開始出現年輕人「躺平」的現象，例如日本經濟評論員大前研一曾於2016年撰寫《低欲望社會》剖釋當地年青人放棄向上的原因，其中一項是後生一輩不欲放棄自我，窮忙一生換取房屋、汽車等物品。

雖然「躺平」、「低欲望」等已是社會現象，而不少網民認為「躺平對健康好啲」，但在職場上，最重要是盡本份，不應該將工作假手於人。

延伸閱讀：【家庭關係】Fresh Grad一畢業就要養退休雙親 月入僅$13,000感巨大壓力

延伸閱讀：【職場熱話】舊同事薪金不及新人　打工仔感嘆：七年血汗連新人都不如

延伸閱讀：【NGO熱話】身邊同事有幾怪？網民盤點誇張行為：集體喺office打邊爐

延伸閱讀：【聖誕節】平安夜放早但要OT？盤點打工仔5種無奈

⏩⏩  需要請人？立即刊登招聘廣告！  ⏪⏪