【家庭關係】阿媽日日催促阿仔搵工　網民：有心實搵到！

父母擔心子女前途無可厚非，而許多人初出社會皆會感到迷惑，難免會有一段時間坐在家中，苦惱前途選擇。當然，如果你尋找工作時間越來越長，父母難免與你一樣坐立不安，甚至開口關心你求職的進度。一名網民早前在「香港討論區」發文，表示自己十分苦惱其母每天追問求職情況如何，但網民反應兩極，一方鼓勵他不放棄，另一方則指摘其態度傲慢。

延伸閱讀：【家庭關係】屋企人只會講錢？打工仔心灰︰淨係出糧先搵我

即睇事主分享及網民回應：（按圖了解）

+12

+11

事主：我有send CV，有去見工，見唔成無offer啫，就話我唔返工……

事主：其實日日不斷畀壓力我都無意思㗎，呢樣嘢根本都唔到我控制，我就癲啦！想知有無人屋企都係咁？

網民：你應該同佢解釋囉！我之前失業，我都有解釋畀佢知，我其實有搵工同見工，不過未有人請，我都控制唔到，之後佢無再問。

網民：有心點會搵唔到？如果你學歷低要求高，就真係搵人請你都難！

網民：信自己，我哋呢個年代唔係好似我哋父母嗰陣咁容易搵到，順其自然，畀心機，畀啲耐性，唔好畀人影響你嘅信心。

網民：我都試過，仲要被人質疑我見工有問題所以無人請，我當時為自己定喺某個時間內一定要搵到工，亦都因為咁，我係唔會俾自己失業。

網民：未有正職就做住臨時炒散Jobs先啦！時代唔同，但要用下腦呢樣仍然無唔同。

網民：成世流流長，遲小小搵無問題，但之後肯搵工返工就得啦！

網民：乜嘢工都可以做住先，騎牛搵馬未聽過咩？

網民：出面大把工做，睇你做唔做啫，唔通真係要做死一行咩？

網民：無工開都要努力做人，不如趁有時間搵嘢學？

網民：呢啲時勢無份工作真係好難搞，不如搵住份保安做住先都好呀嘛。

網民：一間唔請係可能係公司問題，但如果間間唔請係你個人問題。

網民：有本事你自己一個人搬出來住，咁咪無人嘈你囉！

網民：其實最緊要係記得每個月準時畀家用！

父母緊張十分正常　網民：有心實搵到，不要太挑剔

正所謂「養兒一百歲，長憂九十九」，多名網民指出：「媽媽緊張你好正常。」有留言認為假若事主認為母親麻煩，「可以考慮搬出去住」，但前提為要自己有能力照顧自己。

有網民指出，社會工作機會處處，只看求職者要求甚麼，或者能否放下身段從事與自身學歷不太相稱的工作，有網民留言：「一日已經都已經可以搵到，快餐店、便利店都係工作。」另有意見認為，現在有好多人送外賣，做保安員，勸籲事主考慮其他選擇。

尼特族已成全球趨勢

另有網民十分尖酸地指摘事主是「啃老廢物」，要求事主承認自己懶惰。所謂「啃老族」（正名為「尼特族」，源自NEET一詞），意指一群非在職、不在學或不在培訓（Not in Education, Employment, or Training）的青年人，近年已成全球各地共同面對的問題，箇中主因包括政策過時、教育不切合社會需要、年輕人上流空間不足等，但社會標籤令「尼特族」青年人更難重投社會。

延伸閱讀：【職涯規劃】31歲打工仔失業想提早退休 儲蓄310萬加有物業 網民勸籲︰唔好！

延伸閱讀：【職場健康】WFH壓力大？世衞︰將職場倦怠定為慢性壓力

延伸閱讀：【家庭關係】30歲兒子月入一萬幾借錢過活 爸爸︰立平安紙留層樓同資產畀佢？

⏩⏩  需要請人？立即刊登招聘廣告！  ⏪⏪