【家庭關係】老公不斷借錢畀前上司老婆控訴：永遠只會幫人唔理屋企

2021-07-23

老公把同事看得比家人重要？雖然有義氣的男人值得深交，但如果他平時對外人總是有求必應，甚至闊綽地借錢給人，很容易會影響到自己的家庭。最近有女網民在討論區抱怨老公「心地太好」，屢次瞞著她偷偷借錢給前上司，引起她的不滿，擔心家庭的財政。

延伸閱讀：【家庭關係】屋企人只會講錢？打工仔心灰︰淨係出糧先搵我

點解老婆咁嬲？（按圖了解）

+13

+12

-我老公個前上司成日問佢借錢，要人追幾個月數，先托人還錢轉交畀我老公。
-清完一筆之後，我近排見到佢WhatsApp對話，前上司話入咗幾千蚊畀佢。
-我老公追問佢另外幾千蚊幾時還，對方話下個月初，即係佢又借錢畀人。
-點解男人可以咁，明明應承咗老婆唔再借！
-我老公人前超級gentleman，衰在心地太好，永遠只會幫人。
-但當自己有困難就只會搵老婆，而從來唔搵朋友借錢解決經濟問題，真係唔知-點形容佢。
-究竟d錢係幾時借？離職前還是離職後，又唔知點問佢好，驚佢話我睇佢手機。
-我都好擔心，佢多有多借、少有少借，話佢又話我管住晒，唔話又唔係。
-唉，我都無辦法，唯有等佢自己慢慢領悟交友之道。

網民點睇？
-你都係隻眼開隻眼閉算，講太多會令你老公無面，唯有啞子食黃連，好過贏場交輸咗頭家。
-好似我老公後生時，自己袋有$10可以借$9畀人，人哋就係睇到你弱點，所以越借越多。好彩佢而家50歲知道自己養老要有儲蓄，無再借錢畀人。
-我老公都借過一萬蚊畀個賭仔舊同事，佢用咗4年時間先還晒，佢有還我已經當執到。
-對住呢種老公，唯有平時盡量keep晒佢嘅錢，同佢約定借1蚊畀人，同時要畀5蚊我。對方還錢就可以claim返4蚊，剩低1蚊歸我。
-根本借錢畀人就係預咗對方唔還，所以無論係同事朋友親戚問我，我都唔會借！
-有種男人只會追老婆還錢，而不會追兄弟數，你自己儲多啲私己錢旁身啦。
-其實你偷睇人電話好無品，兩公婆之間最重要係信任，你老公想講就自然會講，唔好迫人。

如果有一天同事向你借錢，你又會不會好像上述事主的老公一樣，伸出援手呢？一旦想拒絕，又有什麼方法不傷害大家的感情呢？

不妨試試下列三個不傷感情的婉拒方法：（按圖了解）