【家庭關係】大學畢業全職做網購搵唔到食?媽媽擔心:想個女正正經經搵份長工

【家庭關係】大學畢業全職做網購搵唔到食?媽媽擔心:想個女正正經經搵份長工

網上購物已經成為市民生活中不可或缺的一部分,吸引不少人創業搞網店,甚至辭掉全職工作全力打理生意。隨著競爭越來越大,網店想突圍而出更加難。最近有媽媽在討論區呻苦,指女兒大學畢業後只顧做網購而不搵工,每月平均收入僅六千至一萬元。女兒將辛苦賺來的錢買名牌,又不交家用,令媽媽十分擔心。

延伸閱讀:【家庭關係】屋企人只會講錢?打工仔心灰︰淨係出糧先搵我

按圖了解媽媽的擔憂:

-我個女喺嶺南大學讀文科,畢咗業都有2年。
-佢畢業之後都無搵過全職工作,淨係留喺屋企做網購。
-日日就係對住部電腦,拎住啲貨做直播,再pack貨寄出去。
-佢每個月平均只係搵六千至一萬蚊,而且無畀家用。
-平時賺埋啲錢就拎去買名牌、做facial,或者約朋友食飯。
-而家經濟唔好,佢網購生意咁唔穩定,為人父母梗係想佢儲多啲錢旁身。
-我勸佢正正經經搵份長工做,但佢又唔聽,都唔知點算好……

網民意見:

-我識人早幾年辭咗份全職,做網購每月搵到6萬,我信只要搵啱市場網購可以好好賺。
-同個女訂一個限期,例如一年後都搵唔到萬五蚊就要出去搵工。工作經驗好緊要,尤其畢業後幾年,晉升得最快,無經驗會輸蝕好多。
-如果啱啱開始做都可以搵到一萬,即係儲多啲經驗就唔止呢個數啦。我反而覺得佢後生敢試敢闖無問題,如果日後真係無咩起色,咪打工囉。
-其實呢個年代真係唔需要返朝九晚五寫字樓工,有好多新興行業,為人父母要多了解,最緊要提醒仔女唔好三分鐘熱度。
-呢兩年環境差搵工難,網購至少係自己生意,唔蝕仲有錢賺,已經好好啦!
-有無坐低同個女好好傾吓?唔好太寵慣佢,咁大個人點都要為頭家負丁點責任。
-家用一定要收,靜靜幫她儲起,都好過佢浪費晒喺奢侈品上!
-而家市道唔好,提議佢一邊做part time,一邊做網購,增加收入。
-我應該會先了解個女點解做咗2年生意都無乜進展,畀意見佢去改進,無謂加家用逼人放棄興趣同目標。
-好多年青人因為無危機感,覺得父母會養佢一世所以懶懶閒,所以一定要收佢家用,先迫到佢努力搵錢儲錢。

正如網民所言,媽媽可以先了解女兒這2年做生意的策略,分析營利低的原因,提供建議改善問題,而不是一下子強迫女兒放棄興趣及目標。事實上,創業有一定的風險,除了看實力、運氣、資金之外,創業家本身的性格也影響生意的成敗。如果你擁有以下6種特質,恐怕不是太適合創業,安份做個打工仔較好。

邊6種人不適合創業?(按圖了解)

延伸閱讀:【家庭關係】老公不斷借錢畀前上司 老婆控訴:永遠只會幫人唔理屋企

延伸閱讀:【家庭關係】家姐投訴屋企重男輕女 失業減家用被家人要求搬走

延伸閱讀:【家庭關係】從小到大跟兄弟姐妹比較 打工仔自言壓力大︰永遠睇死我

 

【最新調查】《CTHR 2021年畢業生薪金及就業調查》結果出爐!立即下載調查報告!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow