【好人好事】女乘客錯把「金牛」當一百蚊紙的士司機網上尋人成功找錢

2022-01-10

的士司機的態度不時被人垢病，根據交諮會交通投訴組數字，去年第三季共接獲2,744宗有關的士服務投訴，比2020年同期大升107.3%。不過最近在連登討論區出現一則的士司機好人好事，有司機以「1月6號嘅凌晨喺尖沙咀坐的士返慈雲山嗰位靚女入一入嚟」開Post，引起大量網民留言及讚賞。究竟發生甚麼事呢？

延伸閱讀：【職場好同事】64歲打工仔患認知障礙同事夾份贈送大假助提早退休

按圖了解事發經過：

+16

+15

的士司機：「你落車嗰時應該錯手攞咗張金牛當紅衫魚，畀我叫我唔洗找。大家搵嘅都係辛苦錢，如果你pm我講得出，幾點邊度幾多人上車去過邊站，我過返數畀你。」

「我聽到佢嘅對話內容，聽到話返咗成晚工好攰，落車都腳步浮浮，應該係啱啱出糧啲錢嚟，我估都應該係畀錯錢啦。我收工先發現個袋有張金牛，但諗哂全晚得呢單有機會中，事關落車畀錢已經話唔洗找，所以我收嗰陣見到都無開燈睇清楚。」

「大家都搵食都係辛苦錢，佢同我講唔洗找已經賺咗，無理由要人嘔凸咁多嘅。錶頭$88.3，我仲發緊夢轉錯咗個街口，原本同佢講收$80，點知佢叫我唔洗找，所以先更加要搵返佢出嚟。搵到事主都過咗數畀人，唔該晒連登仔s嘅幫助！」

網民留言：
網民Ａ：你真係一個好心人，令我對的士司機改觀。
網民Ｂ：其實真係有好多好的士司機，上次朋友老婆跌咗兩部電話，的士司機拎返轉頭都只係話計錶錢，我朋友塞咗五舊水畀佢大家開心。
網民Ｃ：巴打真係一個有職業道德嘅的士司機。
網民Ｄ：或者佢係富家女，真係想畀1000蚊你，唔使找呢！
網民Ｅ：識女仔新招，根本條女畀咗100蚊，如果係男仔你會唔會畀返佢先？
網民Ｆ：題外話，我都唔知幾多年無㩒過$1000，最多出2張$500。
網民Ｇ：諗起啲鬼故，第二朝張紙幣會變咗做陰司紙……
網民Ｈ：感覺又一個愛情故事誕生，古有日本電車男，今有連登的士男。
網民Ｉ：今時今日$1000唔係好多，如果我係事主，隨時懶得出嚟同你約時間交收或者畀戶口你入錢。

幸好得到眾多網民幫助，將消息轉發至不同地區群組，才令事主在10小時內成功尋獲女乘客，並交還900元尾數，劃下完美句號。司機正直的行為亦獲網民讚賞，指他為業界樹立了良好典範，希望其他的士司機能堅守職業道德，合力提升服務水平。

的士司機的術語你又知幾多？（按圖了解）