【區區打工仔】討厭喺工業區返工？打工仔︰返觀塘跪求唔好肚痛

近年香港工業逐漸式微，很多工業區陸續改作為住宅及商業大廈用途，加上政府有市區重建計劃，很多工廠大廈都被活化，甚至被重建為新大廈，重新發展。雖然香港工業轉型，可是有些工業大廈依然保留下來，而其租金較商業大廈便宜，故吸引到許多公司租來作辦公室。最近，有打工仔在連登討論區發帖大呻「有冇人唔想再返工業區」，表示工業區的舊樓配套差，比起商業區的環境差很遠，令他不想再在工業區工作。此帖一出，引來不少網民討論，有人認為有些地區的工業大廈不錯，但亦有人稱如曾在商業區上班，就「好難返轉頭」，你又認同嗎？

按圖即睇打工仔分享︰

+15

+14

打工仔︰「以前Part Time返過工業區嘅舊樓office，真係垃圾到一個點，啲𨋢又殘又舊，墜𨋢都唔知咩事。廁所仲要全層共用，都唔緊要，最慘又污糟。大埔、觀塘、荃灣都返過，統統都好差，附近又無嘢食，觀塘就好少少。

而家去咗中環嗰邊嘅商業區返之後，個感覺好咗好多，個環境起碼無咁嘔心先，真係攞返少少尊嚴，就算肚痛想去大都唔怕污糟。以前返觀塘真係求神拜佛唔好肚痛，就算係都忍到lunch先去APM去。有冇ching有同感？」

網民︰觀塘工業區唔錯，返啲翻新過嘅工廈，廁所都乾淨。

網民︰大埔工業區唔叫外賣嘅，食lunch超麻煩。

網民︰返工業區，成個氣氛好壓抑，落街見啲人好似冇冇靈魂，個個人行屍走肉。

網民︰我淨係會返太古坊、IFC之類Grade A office嘅工，返完之後返唔到轉頭

，廁所乾淨真係好緊要。

網民︰甲級寫字樓咪一樣全層共用 (廁所)。

網民︰返工已經辛苦，所以工作環境真係好重要。

網民︰啱呀，之前返葵芳，公司樓下成日都屍橫遍野，白鴿、米奇，咩都有。

網民︰夏天入工廈如入焗爐，可以揀嘅話梗係唔想返，不過搵唔到其他工都係要頂硬。

網民︰拉閘嗰啲𨋢勁恐怖，去過一間𨋢門都冇嘅，有個阿叔坐喺度揸𨋢，拉埋個閘就咁睇到逐層上上落落。

網民︰搵工只搵港島區，因為近屋企。

延伸閱讀︰【區區打工仔】網民大數火炭返工四大慘況 連一架過海巴士都無？

非傳統地區返工失優越感？
不少企業偏好在中心商業地帶設立辦公室，方便員工工作和見客之餘，又能維持企業形象。因此，很多打工仔都認為在中心商業地帶上班是身分象徵，特別是在中環返工，尤如高人一等。有打工仔曾在討論區發帖指，自己一直不能接受在非旺區上班，更認為在非旺區上班有種令人抑鬱的感覺…

按圖即睇非傳統商業地區返工的優點與缺點：

+19

+18

延伸閱讀︰【區區打工仔】將軍澳原來係高科技集中地 返工日日塞車仲有臭味

中環返工等於中產？
讀書時想在踏入職場後，在中環上班，認為「中環人」擁有身分象徵。可是投身職場後，便發現做「中環人」並非想像般美好。以下有6個中環人的辛酸史，哪一個最引起你共鳴呢？

按圖即睇6個中環人的辛酸史：

+10

+9

最新專訪片︰

延伸閱讀︰【區區打工仔】荃灣返工係王道？網民：所有生活配套最齊全

⏩⏩  需要請人？立即刊登招聘廣告！  ⏪⏪