【零售業之苦】買鞋2年後要求退換 港媽：投訴到你份工都冇埋

香港劣客何其多！有港媽於連鎖鞋店要求將2年前買下的童裝鞋款退貨，店員耐心講解兒童經2年時間長大，尺寸不合只屬平常事，惟港媽卻依然故我堅持退貨，更聲言要投訴至店員「份工都冇埋」，蠻不講理的態度令店員哭笑不得。

買鞋2年 聲大夾惡要退貨
於本地連鎖鞋店任職經理的事主日前投稿至Facebook群組「西客之道 Hispitality Secret」，分享與劣客「交手」的有趣經歷。事主稱某星期天開工不久就遇上一名港媽，對方二話不說就將一雙以膠袋盛載的童裝鞋放上收銀櫃檯，稱要換貨。事主循例跟顧客索取單據，惟對方卻指「兩年前嘅嘢，邊度仲有單」。

事主解釋指按照公司規定，顧客必須於14日內退貨，相隔2年當然就不設退貨服務。事主稱港媽得知無法退貨後開始「大聲夾惡」，

港媽：而家係你地畀錯咗SIZE我。我個仔著唔到，點解唔換得？
事主：咁請問你個仔幾大個啊？
港媽：而家咪12歲囉！
事主：兩年前你個仔10歲，而家12歲，隻腳都會跟住大㗎嘛，唔啱係正常喎。
事主遭港媽鄙視「SALES仔無嚟文化」

事主點出問題所在，惟港媽對解釋卻不甚滿意，堅持要求退貨，更一度稱「叫話得事嘅人同我講，你啲SALES仔無嚟文化」。事主至此才表明身分，稱「我就係話事人，我係經理！」港媽自知訴諸高層一招無效，遂打算致電公司熱線投訴，

港媽：電話冇人聽，你公司網頁個電話係咪假㗎？
事主：今日星期日，公司寫字樓放假。
港媽：唔好咁得戚，我聽日再打，我要投訴到你份工都冇埋！

買冷氣機3年求退貨
面對港媽要脅，事主回應指歡迎顧客投訴，並提醒港媽記得帶同舊鞋離開。網民紛紛留言讚揚事主「好型」，又指摘該位港媽行徑過份稱「青山又有病人逃走」、「擺明傻架啦」，並打趣指「叫佢記住唔好幫襯至好」。

有人留言分享類似經歷，聲稱曾有客人事隔3年才想換冷氣機，指「代理要收錢整，所以發癲上黎搵經銷商店麻煩」，暗指劣客遍佈各行各業，無處不在。

⏩⏩  需要請人？立即刊登招聘廣告！  ⏪⏪