【行業辛酸】做戲院帶位員好輕鬆?從業員大爆10種最討厭觀眾

【行業辛酸】做戲院帶位員好輕鬆?從業員大爆10種最討厭觀眾

睇戲是香港人最愛的消遣娛樂之一,大家平時到戲院有沒有留意職員的工作?戲院作為服務性行業,主要有售票、驗票及帶位等工作,看似簡單輕鬆的背後,原來也有麻煩事。最近有一位戲院員工在討論區分享10種最乞人憎的觀眾,包括亂丟垃圾、不按指示入場,甚至在場內進行越軌行為,引起不少網民討論。

延伸閱讀:【行業辛酸】零售業返工好危險? 售貨員:爬上三米高貨架拎貨 好似攀石咁…

有自稱戲院員工在討論區開Post「喺戲院返工遇過咩討厭嘅客?」,表示曾遇過很多黐線客人,「無端端發你脾氣嘅又有,講野1999嘅又有,扮啞嘅又有,做幾個月已經令我大開眼界。」

他列出10種最乞心憎的觀眾:(按圖了解)

惡行1:揸住一大杯外來飲品入場,入場Check飛時博被人捉。咁大杯好難扮睇唔到,你要偷帶就收埋喺袋,唔好被職員見到。

惡行2:買學生飛但又唔帶學生證,然後仲要勁串咁話「我唔似學生咩?」,其實職員有權要你買返正價飛囉。

惡行3:家長帶埋小朋友睇戲,明明細路高過一米,但死同你拗佢未過,除完鞋都成110cm,最後咪又係要出去補飛。

惡行4:一班人去睇戲,入場Check飛時成班人企到離行離迾,左一個右一個,點數人數先?

惡行5:而家政府規定入場要掃安心出行或者填紙仔,職員好心提醒,但客人即刻黑你面,心諗我跟order做嘢咋。

惡行6:明明自己遲到入場,但係態度勁差,話職員check飛阻住晒,好似係我搞到佢遲到咁。

惡行7:明明而家場內不淮飲食,但每次散場都有勁多零食垃圾、一地餅碎、飯盒、飲品,仲有人食完香口膠亂咁痴,真係好嘔心!

惡行8:戲院有提供免費坐墊為座位增高,觀眾可以隨便拎入場用。試過幾條友拎咗十幾個坐墊,有無矮成咁啊?完場又唔識放返原位。

惡行9:完場已經叫觀眾記得帶齊隨身物品先走,總係有人唔聽,到第二場開咗先話唔見嘢要搵返,仲要老溤咁款。
惡行10:見過唔少人喺戲院入面有18禁行為,其實一個院至少有2個cctv,經理係會好清楚睇到。唔該你完事抹返乾淨先好走,好核突!

近來港產片《媽媽的神奇小子》大受歡迎,很多人觀眾都被殘疾運動員蘇樺偉和他媽媽「蘇媽」的經歷而感動,熱血勵志的故事對於打工仔來說,更能重拾工作熱情。其實香港近年也有不少以運動為主題的電影,每部戲都扣人心弦,金句連連。

點擊即看8部電影及金句:

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告