【職場熱話】Offer改幾次再壓價　打工仔最終拒絕反被鬧

求職面試所申請的職位是否你最終獲得的職位呢？相信許多人認為這是理所當然的事，但原來對部分人來說並非必然。遇上「五時花六時變」的僱主，獲聘員工或許要待至真正簽約的一刻才能確定實際職位與薪金。一名網民早前向社交媒體專頁「奴工處」投稿，講述某次求職經驗，表示該次求職獲聘，但該公司卻更改了多項聘用條件，令他感到無所適從，最終更拒絕聘書。

延伸閱讀：【職場熱話】面試唔講薪酬待遇 打工仔感困惑 網民：唔使搵我啦唔該

即睇事主分享及網民回應：（按圖了解）

+14

+13

事主：其實件事都幾複雜下。之前去見一份A工，去到佢話A工唔啱我所以畀咗份B工我。

事主：嗰陣因為心急搵工所以應承咗先，但之後佢又改地點又改人工（本來係九龍但又叫我去新界，但人工高幾千）。

事主：本來因為太遠所以諗咗幾日，最後覺得人工高咗所以應承咗，但第二日打嚟話改返做九龍，但人工又壓到最低。嗰陣自己又傻say yes。

事主：跟住個老闆又古怪，未interview未返工已經8點半開始又WhatsApp又打電話嚟，嗰陣已經覺得好唔舒服同不安。

事主：最後打去通知HR reject。之後個老細開始WhatsApp嚟罵我，雖然我承認自己係有唔啱，但一日未簽約我一日都有權拒絕份工啩。

事主：而家比較擔心啲求職時嘅個人資料喺佢哋度唔知會點。其實佢打嚟約Interview嗰陣已經覺得古怪，我一開始唔應該去interview，而家好驚。

網民：咁改法……份工做幾日都應該會無……

網民：咁改嚟改去，間公司穩陣極有限，reject係明智。

網民：你應該覺得好彩，去做就死梗！

網民：你有打去通知HR reject offer，唔係無尾飛陀就得啦！

網民：你已經好有交帶。未係員工已經蠻不講理，唔去係明智嘅！

網民：驚咩呀？block鬼佢啦！

網民：如果係我，我會直接消失，block佢電話。

網民：就算簽咗約，一日未返工都可以reject。就算返咗工，probation第一個月通常可以即走唔使補錢。

網民：有乜所謂，有乜後果？七日內大家都可以互炒對方，簽完唔返你咪當我曠工囉，公司咪唔出糧囉！

網民：約都未簽有乜好驚？

網民：點解一個同你無關係嘅人鬧你，而你又肯俾佢鬧……

釐清求職者期望　要求必須合情理

從事主分享可見，該名僱主態度惡劣，更在面試進行前和未簽訂合約期間要求事主處理公務訊息，眾多網民認為事件不合理，事主拒絕聘書屬正確的決定。多名網民質疑該公司為何聘請過程可以多次更該求職者的職位，更笑稱「間公司唔會做得長」。實際上，聘請員工時做好期望管理，考慮求職者意願，突然更改職位、薪金及工作地點會造成期望落差，難易吸引理想的求職者。

另一方面，事主因應公司突然壓價與多次更改工作地點而拒絕獲聘，竟然招致被公司老闆責罵。即使事主先前口頭答應獲聘，但答應並非根據最終的聘用條款，大部分網民認為事主具有責任心，老闆行為十分沒禮貌。

香港法例第57章《僱傭條例》第2條釋義中所指的僱傭合約雖然包含口頭協議，但勞工處認為白紙黑字的書面合約能「提醒僱傭雙方合約上的責任，有助減少不必要的勞資糾紛，更可保障雙方的權益。」

或許求職者真是要正式簽訂合約後，才能確保聘用條件沒有其他變數。

延伸閱讀：【職場貼士】無懼搵工！養成4個助你求職成功的好習慣

延伸閱讀：【見工面試】Interview太早到被指有問題？網民：咩怪人都有

延伸閱讀：【CV技巧】未過試用期工作應否寫入CV？

⏩⏩  需要請人？立即刊登招聘廣告！  ⏪⏪