【職場熱話】一日開兩次會交代工作 實習生：好苦惱！

如果開會節奏極快，議程又多又緊湊，固然對打工仔來說是一大惡夢；但若開會無甚意義，更要在「極Hea」的工作中找出重點，跟一眾同事分享，又是另一種煩惱。有在外國實習的職場初哥，於討論區分享一日開兩次會的苦況……

延伸閱讀：【職場熱話】開會唇槍舌劍但無重點 3招走出困境

上司已離職 即將完約實習生悠閒渡日
合約期只剩下一星期的事主表示，公司自上星期起安排員工Home Office，但每天都要開兩次例會：「朝頭早就係講吓自己今日會做啲咩，晏晝就係講吓今日做成點」。員工在家工作期間，被要求匯報工作進度，聽起來並無不妥。

可是，事主的合約只剩下一星期，而上司亦已於兩星期前離職，故他手頭上只有一個即將完成的項目：「根本上就係無乜嘢做…大家都知，Intern嘅Project都唔會重要得去邊，所以經理嗰啲唔太理，負責跟我嗰個同事又唔得閒理我」。他表示，每天開會都不知道應說甚麼：「我好似個廢人咁呀…對條Team無貢獻」。

主動要求分配工作不果
雖然事主常主動開口要求同事將工作分配給他，但卻得不到任何分工。有網民就認為問題並非出於事主身上：「無嘢畀你做，係你上司問題喎」。有人則覺得，實習生不被重視是各行各業的公司裡的常態：「我公司啲Intern，我都唔會Care佢哋…放心Hea好過」。

延伸閱讀：【網民職場Talk】唔知Invoice即係發票 豬隊友同事表示無奈

Intern處世之道
不少網民為事主提供實習生的處世哲學：「唔知你盛行，不過普遍Intern都無咩學，好多時都係返工嗰時無嘢做自學…唔係得你係咁。難聽啲講，Intern都係拎嚟寫CV」、「咁唔好咩？你想返工做到隻狗咁？如果想知多啲，可以揾公司文件睇，唔明就等同事得閒嗰陣，當傾偈咁講吓」。

有人就建議事主可以主動完成費時的工作：「如果你勁主動請纓，將有1,000頁、要逐頁Scan嘅嘢Scan晒佢，又快又主動，又無怨言，保證你加晒分…唔好諗實際做咩貢獻，諗吓其他人鍾意你做咩貢獻先最有幫助」。
 

⏩⏩  需要請人？立即刊登招聘廣告！  ⏪⏪