【熱話】港大畢業生不受歡迎？ 網民就咁睇......

僱主為企業招聘人才，當然想覓得符合工作條件的求職者，假若求職者學歷高更可算是「Bonus」。然而最近有網民於討論區發文，指任職的公司於招聘時幾乎都不再考慮港大畢業生，原因是公司認為他們比其他大學生更加「傲慢自大」。

港大生「自以為天之驕子」
帖文中，事主以嚴詞斥港大畢業生比其餘「兩大」的畢業生更「傲慢自大」，亦指他們「狗眼看人低，自以為天之驕子同蔑視其餘大學生嘅態度，令人側目！加上極度『西化』同懶叻，尤為討厭！」其後有網民附和，指公司曾有港大畢業的實習生做錯事卻不願承認，反而指責施教者教得不好，不肯承認自己都有弱點。亦有網民指港大畢業生「自以為係人中龍鳳，並非今天才有嘅事情。」

然而，帖文中亦有不少網民持相反意見，認為求職者無論畢業於任何學院都有此可能，亦並非是「名牌大學」才有此情況，切勿「一竹篙打晒一船人」，部份畢業生並不可代表整間大學的質素。此外，亦有網民認為於社會工作，能力比學歷重要，工作態度及禮貌同樣可以反映一個人的品性。

網民回應
網民A：「依家叻唔叻同學歷無咩關係。」
網民B：「讀書叻唔等於做嘢叻，咁多年嚟未見過一個10A/9A可以喺商界做知名領袖。」
網民C：「佢地覺得有優越感，所以員工同學生都一樣。」
網民D：「咩U（大學）都有奇人，品性差的人學歷高有何用？」

⏩⏩  需要請人？立即刊登招聘廣告！  ⏪⏪