【在家工作】打工仔大呻就嚟要返公司　網民：WFH仲忙過喺Office

新冠肺炎疫情持續，雖然好多公司實施在家工作 (Work From Home，WFH)，不過確診個案減少，令到一眾打工仔好擔心下星期開始無WFH，亦有打工仔寧願返公司工作，大家又如何看待WFH呢？

延伸閱讀︰【新冠肺炎】下周一起恢復更多政府服務 公務員無得再WFH？即睇邊啲部門正常運作

由第三波疫情開始，不少打工仔都有WFH，有網民表示「已經WFH五個星期，睇嚟下個星期斷攬，我都覺得頂唔住，下個禮拜一定要返」、「已經由一日，加到返四日」、「下星期返三日」。

有人擔心下星期無WFH，同時都有打工仔開始懷念辦公室工作，「年初新年放到而（依）家，我就黎（嚟）工都唔識返，日日係（喺）屋企訓（瞓）到自然醒，覆1－2個MAIL就叫做完野（嘢），唔係間中有Whatsapp老闆，我死左（咗）都無人知」、「覺得自己似冗員，我都係覆下客，就完一日，好彩既（嘅）都有meeting開下，冇咁悶」、「我寧願返返公司，娛樂場所開返，日日係（喺）屋企hea，對身心都好大影響好辛苦。」

不是每個打工仔WFH都可以hea，有網民爆料「上司喺WFH時，最鍾意lunch time和放工後call你，但喺公司又會識得叫你快啲食飯同收工。」、「阿頭好似唔使瞓咁，凌晨４點幾仲send嘢出嚟！唔理佢一陣佢會記住你！」

+2

+1

WFH分分鐘忙過辦公室工作啊！

有網民就食花生，「就算下星期冇WFH都唔驚啦！多日零確診，全部正常返工，食肆如常運作恢復堂食，市民防疫鬆懈，自自然然會黎（嚟）新既（嘅）一波。」無論有否WFH都好，最好是疫情可以減退，有返正常的工作環境和生活模式啦！

延伸閱讀︰【在家工作】羨幕公務員WFH等於放假？ 網友︰每年交稅養佢哋...

⏩⏩  需要請人？立即刊登招聘廣告！  ⏪⏪