【職場熱話】Signal死機WFH準時打卡變遲到 老闆話要扣人工 網民：告上勞工處啦

自疫情開始，不少公司都准許員工在家工作（WFH），減低受到病菌感染的機會，保障員工安全。隨住上班模式的轉變，令本來恆常的程序都可以簡化處理，好像出勤打卡，有公司會要求員工透過指定的流動應用程式或即時通訊軟件打卡。若果有一天，程式或軟件失靈，員工該怎麼處理？

延伸閱讀：【職場熱話】老闆迷信到唔畀某生肖同事一齊開會 網民：搵過份工啦
延伸閱讀：【返工血淚史】打工仔朝早返工最絕望嘅一刻係… 網民：瞓醒開眼嗰吓

有打工仔在討論區訴苦，指自己因為即時通訊軟件Signal故障，導致他被老闆當為遲到，甚至講明要扣人工，網民都替他抱不平指：「告上勞工處！」

點圖了解事主經過：

+11

+10

1/我喺一間公司度返Intern，因為到呢個時候公司依然實行緊輪流Work From Home嘅政策

2/所以上司講明WFH嘅同事返工嗰陣，要影住一張電腦開住公司內聯網嘅相， Send上我哋Team嘅Signal Group嚟打卡，證明你無射波、無偷懶

3/今次輪到我同另一個男同事WFH，但咁嗰日Signal死Server，我哋都遇上Send唔到張相出去嘅問題

4/嗰陣覺得唔對路，我哋互通消息之後，決定用Email將張相Send畀上司，當「打卡」

5/點知上司話，唔係喺Signal send出嚟，唔會當打咗卡。我今日返朝早11點30分，結果張相buffer咗好耐，上司到11點35分都收唔到，話當遲到扣100蚊人工

6/我同另一個男同事都呆咗，個App壞又唔係因為我哋，我哋已經用公司Email send咗張相畀你當打卡啦，點解你可以咁唔識變通，咁唔講人情味，一開口就話要扣人工

7/真係好Sad，求吓Signal唔好再死機，或者有無人可以幫我換左個咁唔講道理嘅上司

網民回應：

A/黑心僱主，擺明想借呢個機會扣人工

B/咁都得咩？

C/個上司唔識變通？

D/好變態，你哋已經自己搵埋方法fulfill佢要求，但佢都咁對你地

E/扣人工就報勞工處啦

F/咁你都仲唔Quit啊？

G/會唔會無聊到咁啊？不過真係好少聽公司用Signal開Group

延伸閱讀：【職場貼士】湊唔掂老細？拆解５種上司類型 教你見招拆招

遲到扣人工是合法
不少公司對於遲到扣薪都有特別的規定，但實質上公司又有否實際扣薪的權利？

我們首先看看《僱傭條例》，僱主在甚麼情況下可以扣除僱員的工資：（按圖了解）

+8

+7

在第一點，「僱員缺勤，但只能扣除實際缺勤時間的工資」顯示僱主可以扣除員工缺勤時間的工資，比方說一個僱員的時薪是70港元，而他遲到10分鐘的話，就是將70港元乘以（10分鐘/60分鐘），等於差不多12港元。

遲到可以扣薪，但需要以合法合理的方式計算。根據《僱傭條例》，僱主如非法扣除工資，可被檢控，一經定罪，最高可被罰款10 萬元及監禁1年。

雖然Signal死機，會導致通訊受阻是無法避免，但事主都已經想辦法解決，透過電郵打卡，僱主為何不選擇變通，換個方式處理事件？

⏩⏩  需要請人？立即刊登招聘廣告！  ⏪⏪