【職場熱話】畀同事笑屁股大 經理勸忍吓 網民：無禮貌之餘 仲係性騷擾！

每個辦公室都有其生態發展，不過不變的是，一定會有一些喜歡對同事評頭品足的麻煩同事，明明自己並不是標緻可人，卻總是覺得大家不如自己，自己才是美的標準，但他們又可知道自己的行為很沒禮貌且惹人討厭？

延伸閱讀：【職場戀愛】男上司同男下屬打機 情到濃時鍚咗啖 網民：快啲表白！

有網民在社交平台專頁「奴工處」上投稿，以「冇禮貌都係性格嚟？」為題分享道：「第一日返工，跟同事一齊食晏，食飽飯經理同我行先，吹下水咁，其他同事行後面。行行吓，我聽到後面師奶同事話我pat pat大。我望一望經理，佢話：『我成日都話每個同事都有唔同性格，但做嘢都係teamwork。』即係意思叫我忍、包容啦……當然之後是非陸續有嚟，利申：已走。」
不同性格可以試着容忍，可是沒有禮貌，都可以算是性格嗎？這就如那些經常說自己率直的人，然後四處不經大腦地說話一樣，為甚麼要對他們包容呢？
 
即睇網民回應：﹙按圖了解﹚
-我見過90後尾女同事話一個90後頭女同事，笑笑口大大聲講：「好心你都30歲人啦！依家先學車，30歲仲咩都唔識，都年紀咁大啦，咁老先嚟學！」然後其他同事話佢咁講嘢時，佢就話：「我知我咁講xx唔會嬲嘅，佢咁大方！」然後個女同事笑笑口話唔會呀，個樣一臉尷尬。可能佢哋本身friend，但幾friend都好，咁講真係好冇禮貌。
-我聽到呢啲閒言閒語都會走過去大聲講：「講我唔喺我面前講？」
-聽過 27歲嘅人問我，某一個同事40歲未嫁，係唔係老姑婆。我心想，你擺我上枱搞分化咩？唔只講是非，仲好黑心！
-呢啲唔係冇禮貌，係衰格！以前有個同事都係冇乜禮貌，係對所有人都冇乜禮貌。對得多就冇嘢，因為對佢都唔使有禮貌，但奇在大家又相處得幾好。
-慘在有啲人冇禮貌但又做到嘢，公司立場嚟講冇出事咪當佢廢up，所以先包庇，但聽嘅同事難受。
-呢啲叫workplace harassment，同HR投訴啦！
-唔係冇禮貌咁簡單，呢單係性騷擾，你想搞大件事就非常容易。
-咁小事都咁上心，會好蝕底。
-其實有好多人都會話自己係咁直腸直肚，然之後hurt人唔使本。
-呢啲邊係性格呀？係冇家教。講咩teamwork呀，嘥氣啦經理
-都係一種性格嚟嘅，係賤格同無口德！
-又想用「率直」去代替「冇家教」？諗多咗啦，唔會work。
率直與冇家教
其實有時真的很驚訝，大家都是成年人，卻仍然有很多沒口德、說話不尊重人的情況出現，將心彼己的話，你自己希望被人如此對待嗎？有網民指，「沒禮貌被當成性格，應該容忍」的歪理，就如：「其實有好多人都會話自己係咁直腸直肚，然之後hurt人唔使本。」、「又想用『率直』去代替『冇家教』？」

有些人總是打着「率直」的旗號，去做很多沒家教的事，很多時不是一句no offence 就沒事，你都要懂得看場合、看氣氛、看對方的反應去說話。並不是一句率直就可以強迫別人去包容你，率直都需要有對人的基本禮貌和尊重！

延伸閱讀：【職場戀愛】男上司同男下屬打機 情到濃時鍚咗啖 網民：快啲表白！
延伸閱讀：【職場戀愛】男上司追男下屬 結局竟然反轉？ 網民：sweet過睇BL！
延伸閱讀：【轉職故事】前攝影師到老字號銀都冰室學沖奶茶 賣樽仔奶茶延續傳統
延伸閱讀：【全職爸爸】由舞蹈員到全職爸爸 試過凍水開奶、搽錯cream、仲有唔小心……

 

⏩⏩  需要請人？立即刊登招聘廣告！  ⏪⏪