【職場熱話】無品同事偷睇糧單 周圍唱逗幾錢人工 網民提議：搵HR搞大件事

在職場有個不明文規定，就是同事之間不會談論人工多少，入職時HR亦會再三提醒員工薪金是高度機密，絕不可向第三者透露。不過最近有打工仔則被無品同事偷睇糧單，更周圍向人宣告其收入，嚴重侵犯個人私隱，令事主極為氣憤。

延伸閱讀：【行業辛酸】家長未經補習老師同意裝cam監視 補習Miss：對住鏡頭好唔舒服

按圖了解打工仔的悲慘經歷： -話說出糧日我拎完糧單隨手放入褲袋，過咗一陣發現唔見咗，應該係跌喺公司某處。
-過咗兩日同事A同我講話同事B執咗，仲要開埋嚟睇，知道我幾多錢人工同埋淨返幾多日大假。
-同事B早我10個月入職，但中途走過再返嚟。佢好不滿我人工高過佢，假又多過佢。
-同事B居然走去同經理投訴，話自己做得耐過我，無理由人工低過我，仲話已經揼咗我張糧單……
-正常你執到糧單呢啲咁私人嘅文件，應該要畀返當事人啦，點解要揼咗佢？
-同埋佢都係做多我4個月，扮咩資歷深過我啫？加上走過再返嚟，所有嘢梗係reset啦，唔通你走個段時間都要計假計年資畀你呀？
-經理叫我扮唔知唔好搞大件事，咁我都知唔小心跌咗係我衰仔，我都好內疚搞到經理夾喺中間。
-但同事B一直喺背後做小動作真係好煩，我應唔應該開口同佢對質？
最唔忿氣係同事B周圍同人唱我，而家全公司都知我人工啦，認真無品！

網民意見：
-糧單唔只係個人私隱，對公司來說都係機密，佢承認自己偷睇，其實HR應該跟公司政策炒得佢。
-正常嚟講你上司唔會加佢大假同人工，除非佢好重要好做得嘢。件事已經搞到咁大，即使你對佢對質都無咩用。
-叫老細加你人工，咁佢咪唔知你新人工囉～
-你死都唔認嗰個數咪得，如果佢拎到證據出嚟，即係證明佢偷咗你張糧單。
-你經理都明白成件事唔係你錯，你記得要提醒佢，今次唔追究係賣人情畀公司，以後有事相求上司要記住呢份人情。
-至少都去HR搞大件事，糧單係個人資料，佢用不法途徑取得，仲要無經當事人同意下公開畀第三者知，其實好大件事！
-如果你喺跨國公司做，可以搵HR投訴，你個同事一定會有後果。
-倒返轉諗，而家佢做錯事，你可以揸住佢呢個把柄，日後威脅返佢都仲得。
根據《個人資料(私隱)條例》列明，任何人未經資料使用者同意，而取得其個人資料，被視為罪行，因此各人應彼此尊重對方的的私隱權益，別以身試法。

按圖了解更多資料： 最近有讀者不但被同事偷睇聽私人手提電話來電，該同事更將電話的內容「唱通街」，令他非常憤怒，大鬧「可唔可以告佢！」

按圖即睇事情的經過︰ 延伸閱讀：【見工面試】見工被HR當犯人審問 網民票選面試10大反感問題

延伸閱讀：【職場熱話】阿媽擅自摷袋兼拆信 打工仔大呻無私隱 網民教路一招防偷窺

延伸閱讀：【見工面試】見工似「查家宅」被要求提供私人資料　HR教︰求職者可咁樣講

【最新調查】《CTHR 2021年畢業生薪金及就業調查》結果出爐！立即下載調查報告！

⏩⏩  需要請人？立即刊登招聘廣告！  ⏪⏪