【惡劣天氣】老細收集員工地址 計準出門時間 問：點解掛黑雨個時間你唔係搭緊車？

夏天是打風落雨的季節，打工仔最關心的是幾號風球、黑雨期間是否應該上班，除去訊號後，又應該多少時間內要返到公司。可是老闆卻斤斤計較，員工遲一秒上班都需要解釋，其實遇有惡劣天氣大家都不想，為甚麼要如此刻薄呢？員工強行上班途中遇意外，僱主要需否賠償？

延伸閱讀：【另類職人】劍擊十年 由運動員到社工 轉職感言：兩者最着重同是「溝通」

有網民在社交平台專頁「奴工處」上控訴老細在惡劣天氣下特別刻薄並不體諒員工，「黑雨當日，老細根據同事嘅屋企地址，貼心計算咗同事應該幾點出門口，然後第二日問：『點解8:20am﹙掛黑雨嘅時間﹚你唔係搭緊車返公司咩？黑解取消咗黑雨先返到？」

老細的一番言論，旋即惹起了網民的不滿！
 
即睇網民回應：﹙按圖了解﹚
-前一晚瞓邊，關佢咩事？
-返公司條路唔安全，唔返住有咩問題？
-佢咪就係神分析你已經上咗車，應該直達公司啦，點解會唔見人？
-唔係個個都咁幸福有直車呢！
-你老闆係天文台加運輸局？
-落車喺地鐵站或巴士站附近等停雨。
-留喺安全地方，所以我無落車，原車返屋企。
-應該諗吓咁嘅老細，仲值唔值得繼續幫落去。
-唔畀人搭的士返工？
-老細同員工之間嘅問題，一律建議辭職。
-咁得閒計埋啲無聊嘢，呢個老細都唔慌搵到大錢！
-黑雨要留喺安全地方呀，小朋友都識啦！
-啲白痴老細永遠唔會覺得員工夾硬咁返工，因為咁而遇到嘅意外，係會畀打工仔claim到佢癲！條街大雨傾盆，啲渠都去唔切水，死火塞車嗰啲唔係時間咩？
 
返工中途遇意外 僱主要賠償？
有網民指出重點，「老細永遠唔會覺得員工夾硬咁返工，因為咁而遇到嘅意外，係會畀打工仔claim到佢癲！」暴風雨之下，釀成意外的因素有太多，一旦遇到意外，算是工傷嗎？僱主需要賠償嗎？

勞工處表示，在八號或以上颱風訊號，以及紅色或黑色暴雨警告生效期間，僱員在上班或下班途中，若然因意外受傷而導致不能工作以賺取工資，而一切又是發生在工作時間前4小時或終結後4小時內，便是屬於工傷。

不過，一旦你是乘坐交通工具上班，途中遇上意外就不能算是工傷，因為只有乘坐僱主操作或提供的交通工具上、下班時受傷，或是受僱主許可下為了工作乘坐任何交通工具的途中出意外，僱主才需要負責。

最好還是勸籲員工留在安全地方，對雙方都是最佳保障。

延伸閱讀：【另類職人】劍擊十年 由運動員到社工 轉職感言：兩者最着重同是「溝通」
延伸閱讀：【轉職故事】前攝影師到老字號銀都冰室學沖奶茶 賣樽仔奶茶延續傳統
延伸閱讀：【全職爸爸】由舞蹈員到全職爸爸 試過凍水開奶、搽錯cream、仲有唔小心……
延伸閱讀：【職場戀愛】男上司同男下屬打機 情到濃時鍚咗啖 網民：快啲表白！
延伸閱讀：【職場戀愛】男上司追男下屬 結局竟然反轉？ 網民：sweet過睇BL！

⏩⏩  需要請人？立即刊登招聘廣告！  ⏪⏪