【員工福利】公司僅設30分鐘食飯時間 打工仔炮轟老闆不人道 法例有無規定？

Lunchtime是打工仔難得的休息時間，填飽肚子之後還可以小睡一會先，叉足電再繼續搏殺。白領人士普遍都有一小時食飯時間，不過最近有網民返新工後驚覺「中伏」，「返咗工先知食飯得30分鐘，我屋企隻狗食飯時間都唔止啦，估唔到我而家連隻狗都不如……」，引起大家的熱烈討論。

延伸閱讀：【職場貼士】返工成日瞓到最後一刻？ 五個食早餐嘅好處

按圖了解打工仔苦況： 打工仔投訴：「之前喺大公司做，食飯有一個鐘，而且每做兩個鐘可以休息10分鐘。而家轉咗去間細公司，公司得6條友，返咗工先知食飯得30分鐘。我又唔係做飲食行業，得半個鐘食飯仲要無中場休息。我屋企隻狗食飯時間都唔止30分鐘，估唔到我而家連隻狗都不如……買個外賣最少都15分鐘無咗，是否應該要轉工？」

網民點睇？
網民Ａ：我樓下隻流浪貓食飯時間仲多過你，表示公司有2個鐘lunch，過海食都仲得~
網民Ｂ：30分鐘不如唔好食，有時排下隊都30分鐘啦……
網民Ｃ：30分鐘算好啦，我對上一份工要一路食一路做，痴咗線！
網民Ｄ：我覺得少過45分鐘嘅公司，一律係無人道，快啲辭職啦。
網民Ｅ：出去食就唔夠時間，帶飯食又唔夠時間洗，撞正有同事排隊叮飯，屎都無得你食。
網民Ｆ：其實根本要立例至少1個鐘啦， 食得太快好易胃痛，30分鐘啲嘢啱啱落到胃，即刻做嘢好唔健康。
網民Ｇ：做運輸物流是但扒完飯就開工，做學校又可以飯都無時間食，之後不停上堂，好慘。
網民Ｈ：而家好多公司都至少有1.5個鐘食飯，同埋老闆唔會望實你幾點返。

根據《僱傭條例》，目前並無條文規管僱員的用膳或休息時間。不過《職業安全及健康條例》指明，每名僱主均須在合理地切實可行範圍內，確保其所有在工作中的僱員的安全及健康。依上述事件來看，如不為長時間工作的僱員安排膳食或休息時間，乃是不人道及不合理的行為，僱員應向僱主爭取及協商。

只有特定群組的僱員可享法定用膳及休息時間：（按圖了解）
    《僱用青年（工業）規例》
- 年滿 15 歲但未滿 18 歲的人士
- 連續工作的時數上限為5小時，其後須有不少於半小時的用膳或休息時間
- 任何僱主均不得要求或准許青年，在用膳或休息時間內，於工業經營內工作

《僱用兒童規例》
- 未滿 15 歲的人士
- 連續工作的時數上限為5小時，其後須有不少於1小時的用膳或休息時間 許多打工仔爲了節省金錢或來往時間，都會選擇自己帶飯盒或叫外賣，加上自從疫情後，嗌外賣更成爲大眾生活習慣。事實上，偶爾外出用餐逛逛也有其好處，對生理及心理都有正面影響。

5個外出用膳的好處：（按圖了解）

延伸閱讀：【職場人際】上司係「道理王」 日日捉住下屬說教 用5招應付嘮叨老闆

延伸閱讀：【職場文化】返工小睡20分鐘比飲咖啡更提神？5個午睡技巧提升工作效率

延伸閱讀：【職場貼士】返工做獨行俠好難發圍？5個貼士成為優秀Team Player


【最新調查】《CTHR 2021年畢業生薪金及就業調查》結果出爐！立即下載調查報告！

⏩⏩  需要請人？立即刊登招聘廣告！  ⏪⏪