【勞工法例】公司不成文規定女仔返工要着裙？ 網民：去平機會告佢啦

現今社會提倡男女平等，但職場上的歧視卻經常發生，特別是不時聽到女性衣着被其他同事評頭品足，有網民近日就在網上討論區求助，稱自己在職場上被男同事問為何每天只穿長褲不穿裙，更發現身邊的女同事都是以裙裝打扮，質疑公司是否有不成文規定女性上班要穿裙。

延伸閱讀：【職場熱話】女員工M痛想請月事假 男上司竟要求拍攝衛生巾證明 -我返咗份新工兩個禮拜多啲
-因為我覺得着長褲返工感覺上得體啲，所以日日都係着褲
-今日畀個男同事問我點解日日都係着長褲返工，唔見我着裙
-佢話：女仔唔係一定要着裙，不過通常都會着裙囉
-再睇下周圍女同事都真係着裙，長裙同短裙都有
-原來有不成文規則女仔返工一定要着裙咩？
-唔着裙返工都係罪咩？

網民回應：
-純粹小事，除非公司有制服要着住開工，唔係嘅話，無話裙定褲先得。
我諗你同事應該只係求其問下，你亦唔使諗咁多。
-去平機會告佢啦
-係唔係都算歧視？
-你同事個人喜好啫，我都是多數着褲返工，暫時未有人咁話我，反而讀書時有人問我點解咁少着裙。
-如果有咁嘅規矩，通常頭一兩日已經有人同妳講唔可以咁著，如果唔肯定，妳可以去問下公司嘅HR，佢哋最清楚員工需要點着衫。
-好過份呀呢個同事！如果係我，會提佢唔好再咁樣講嘢，因為真係有機會畀人告！
-男同事未免太保守，咩年代呀？女人通常都會着裙。
-有啲可能真係因為工作需要咁樣着，不過普通文職真係唔使囉！

雖然勞工法例並沒有明確針對員工工作時的衣著，但香港曾經有案例指有中學校長對女教師的衣著作出限制，「強烈建議」女教師穿連身裙或半截裙上班，不要穿長褲，但男教師則沒有特別服裝的規定，允許男教師可穿著較休閒的長褲上班，亦毋須穿外套，最後校長的行為已構成性別歧視。

曾經有女同事因為穿着某種衣著上班，被HR出Email禁止全公司的女同事穿上同一服飾，有律師表示假如《僱傭合約》沒有定明，而公司的《員工手冊》亦無寫清楚員工的服飾指引，僱主是無法定權力，要求員工穿著任何服飾。

所以這位「多言」的男同事分分鐘有機會違反《性別歧視條例》，香港平等機會委員會條例指出，《性別歧視條例》（香港法例第 480 章）並無訂明僱主實施服裝儀容規定屬不合法，但建議僱主應該避免實施不必要的服裝儀容規定，以免對僱員造成任何直接或間接的歧視。
 

⏩⏩  需要請人？立即刊登招聘廣告！  ⏪⏪