【職場熱話】返工未夠兩日即被改合約 網民:呢啲衰公司做唔過

【職場熱話】返工未夠兩日即被改合約 網民:呢啲衰公司做唔過

新員工入職總需要有適應期,以便有足夠時間使工作切合公司制度與要求。正因如此,普遍公司設立試用期制度,讓員工與企業雙方均有觀察期,避免工作與期望出現嚴重落差。試用期正常有三個月,但豈料有人卻上班不足兩日即被老闆認定為不適合?有一名打工仔早前到「香港討論區」哀號,指自己已久未轉職,怎料遇到奇怪公司。該公司竟因事主不足兩日的工作,將雙方的長期合約改成臨時合約!

延伸閱讀:【職場熱話】新人入職被要求請下午茶 事主:唔好問我點解辭職

即睇事主分享及網民回應:(按圖了解)

事主:在一間公司做得太耐,搞到自己同時代脫節,完全習慣唔到新環境、新老闆作風,覺得好辛苦。

事主:有份工即日見工,即日簽約,跟住直接返工,諗住可以做落去。

事主:點知第二日返工,老闆覺得我pick up唔晒上一任啲工作,下晝叫人事部轉我做temp,減人工,話取消份合約要再簽過。

事主:我話星期一覆佢,我有啲唔知點面對同繼續落去,呢個weekend瞓唔到好焦慮,星期一返去就想辭職算。

網民:呢個係你公司要求過分啫。

網民:不過無可否認,喺同一工作環境太耐而唔願意作出改變,其實都好易被淘汰。

網民:好難一日pick up晒上一任啲工作或方式……3個月時間都唔俾人?呢啲公司唔做也罷!

網民:兩日就咁様對個新人,間公司都好有問題啦。

網民:即日簽約,大公司點會咁?成個請人程序兒戲過乜,一塌糊塗!

網民:即見即請即返工,返工第二日就用呢個藉口迫你跪低,人善只會被人欺,呢啲衰公司做唔過。

網民:明顯試緊你底線,可以的情況下,出最少人工,解決手頭問題。

網民:其實都洗濕咗個頭,不如就試下挑戰自己,畀一兩個月機會自己試下,真係適應唔到先走,至少總算努力過,咁先唔會後悔。

網民:要樓主轉temp同減人工喎,適乜應?

網民:返工返到精神病就無謂啦!

網民:如果無減人工就做住先再找工作做。

網民:即刻走唔好做,佢減你一次人工即係代表佢可以減你第二次人工,你返咗一日工可以即刻走唔使通知期,你當無做過呢間公司算數。

網民:一個好有霸氣嘅老細,但其他人眼中只係使小小錢就當自己係大爺,傻的嗎?

網民:而家呢個時勢下嘅老闆真係以為自己大晒,公司又唔大,人工福利差,但成日扮到好似MNC咁。

 

培養新員工需時 沒人能一步登天

對於事主上班不足兩日即被改合約一事,網民十分好奇為何該公司沒有給予新員工時間嘗試就立即斷定事主不適合。事主後來在論壇上解話,原來其老闆明言「對新人無耐性,唔想再教過」,另從其他渠道得知早一星期「有個女仔返工都係返咗一日就走」。

許多公司均會花時間培訓新員工,大型公司甚至會舉辦歡迎會和培訓班讓新人適應環境。網民幾乎一致認為事主公司不合常理,根本沒可能在一兩天替代上任員工的所有工作。另有意見指出,大公司聘請員工有固定程序,「即日返工都唔會係筍工啦」。

根據香港法例第57章《僱傭條例》第6條3款,試用期內「任何一方可在該僱傭的首個月內隨時終止該合約,無須給予通知或代通知金」。即使法例容許試用期首個月內,勞資雙方均可隨時終止合約,事主公司做法是否合理相信自有公論。

延伸閱讀:【職場熱話】獲邀請返回舊公司 打工仔思索應否食回頭草

延伸閱讀:【職場熱話】同事辭職原因係老闆?打工仔質疑不負責任 網民:合情合理

延伸閱讀:【職場貼士】想擺脫朝九晚五?成為自由工作者的3大關鍵

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告