【職場熱話】公司搬Office要求員工擔擔抬抬、砌傢俬 網民:成班同事一齊報工傷

【職場熱話】公司搬Office要求員工擔擔抬抬、砌傢俬 網民:成班同事一齊報工傷
打份文職都要幫公司做搬運工人?日前有網民向Facebook專頁「奴工處」投稿,表示公司打算搬去另一條街,老闆聲稱因為距離太近,所以不找搬運公司,而是叫同事自行搬貨及組裝傢俬。其他網民紛紛指責僱主太「縮骨」,提醒事主小心受傷,萬一有「冬瓜豆腐」也要報工傷。

延伸閱讀:【勞工法例】返新工HR遲遲唔肯簽約 打工仔2日後被辭退 白做無糧出?

事主指出:「佢叫同事自己搬嘢上卡板,再搵貨車司機拉過去。(我全公司都係女人)然後又貪平搵中國製傢俬,成個吊櫃跌咗落嚟,仲要老點班同事幫手砌傢俬。」

網民有咩意見?(按圖了解)
 
咁似我嘅,三個女仔加一個男仔搬曬全公司十幾人嘅文件加傢俬,仲要得一架手推車仔,連續幾日來回廿幾三十轉,夜晚手都震埋。
我都試過公司叫同事搬傢俬,仲要淨係男仔要搬……我打份文職咋,真係想知可以咁做嘅咩?萬一扭傷整傷可唔可以報工傷?
有咩冬瓜豆腐工傷千其唔好同佢客氣,最好即時call白車,影晒相仲有救護員做證。
我聽過係因為搬一條街,無搬運公司肯接來做,所以先要自己落手落腳做。
個老細真心戇居,有事報工傷條數真係喊都無謂,仲未計之後份勞保唔知會俾人据幾多……
你哋開晒傢俬出嚟,過咗8個鐘後同老闆講:「我唔識砌,已盡力了。」 收工!
咁你地都唔好慳啲假,請幾日SL/AL等佢慢慢自己砌飽佢,當人免費勞工咩?!
你應該擔心啲傢俬有無木虱,話晒都係cheap雞嘢,小心木虱跟住你返屋企。
根據《僱員補償條例》,僱員若在受僱工作期間,因工遭遇意外以致受傷或死亡,僱主在一般情況下須負起補償責任。不論合約工、全職或兼職,所有僱主必須投購僱員補償保險,以承擔僱主在法律(包括普通法)之下的責任,否則不得僱用僱員從事任何工作。

萬一僱員不幸因工受傷,要點樣做以保障個人權益?(按圖了解)

無論傷勢是否嚴重,應立即通知僱主或其代表,例如主管或人力資源部。
盡快接受身體檢查或醫治,切記在求診時向醫護人員清楚說明受傷原因及經過。
告知僱主工傷的詳情,以便他/她向勞工處呈報。
盡快將求診和覆診的病假紙及醫療費收據正本呈交僱主,切記自己保存一份副本。
就沒有爭議的個案,僱員須按勞工處寄發的通知書上的指示前往職業醫學組辦理工傷病假跟進手續。
病假期間務必按醫生指示療養及休息,以加快復原和在返回工作崗位時更容易適應。
保存僱傭資料,例如可證明僱傭關係的文件、直接僱主及總承判商的名稱和地址、開工及出糧記錄等。
更多補償資料可參閱勞工處小冊子:https://www.labour.gov.hk/tc/public/pdf/ecd/pco360.pdf

延伸閱讀:【勞工法例】高溫天氣令戶外工作者叫苦連天 工會倡設酷熱指數適時停工

延伸閱讀:【職場熱話】同事聲稱眼有事請假7日 冇畀醫生紙 但竟然畀OOO!

延伸閱讀:【職場暴力】打工仔落雨遲到10分鐘 被老闆公眾怒罵 精神受困有冇賠償?


【最新調查】《CTHR 2021年畢業生薪金及就業調查》結果出爐!立即下載調查報告!
 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告