【絕世筍工】幫餐廳寫食評賺免費飯網民：試過去高級餐廳食足幾千蚊

CTgoodjobs 編輯部

出版： 2020-09-30

更新： 2021-03-11 18:42

自從「相機食先」的熱潮興起，坊間越來越多有美食家（Foodie）周圍影食物靚相，再放上社交平台與大家分享，繼而衍生了一種幫餐廳寫食評賺免費飯的筍工。有網友試過到高級餐廳試食價值幾千元的大餐，有時候還可以帶朋友去，一齊食「霸王餐」。

延伸閱讀：【職場熱話】茶餐廳術語大競猜　網民：唔Google真係唔識答！

李先生（化名）曾經也被某公司邀請到各大餐廳試食，然後寫食評以換取免費飯。「相關人士每星期都會WhatsApp幾十間餐廳俾我揀，列明每餐有幾多Quota、可唔可以帶朋友去，我只要影少少食物同埋環境相，再寫幾百字感受就完成任務。」他指大部分餐廳都很出名，因為想維持人氣，排在龍虎榜頭幾位，所以才會請他們吃飯。

他最印象深刻的是有一次到一家高級食府試食，該處不只有出色的食物，而且可以飽覽維港景色，令他畢生難忘。「我咁大個仔都未試過食咁貴嘅嘢，望下個Menu閒閒地都$2,000一位，我仲要唔使俾錢就食到，真係超爽。」

問到寫食評有何準則，李先生表示不可以帶有任何負面的詞語。「相關人士會審核文章，如果見到有唔好嘅句子會刪除。所以我會避重就輕，萬一食物質素真係好差，我就會集中描述餐廳環境、清潔度，避開敏感話題。」遇著「糧尾」想慳錢的話，他就會看看有沒有試食機會，有時還可以帶朋友一齊食免費飯。

網民對於呢份筍工有意見？（按圖了解）