【揭開機師6大秘聞】機師人工20萬一個月? 係咪好多機師同空姐拍拖?即睇機師4大基本入職要求及晉升階梯

【揭開機師6大秘聞】機師人工20萬一個月? 係咪好多機師同空姐拍拖?即睇機師4大基本入職要求及晉升階梯

【揭開機師6大秘聞|機師人工20萬一個月】香港人最愛旅遊,但航空界猶如有一層神秘面紗,讓不少人都對航空業存在不少疑問和好奇,亦因而流傳不少傳言和秘談。不過,當中的真確性有多少?CTgoodjobs為大家揭開航空界秘聞,包括八卦一下機師與女空中服務員(空姐)的關係、機師人工是否20萬一個月、空中服務員可否選擇飛行的航線等,更會列出成為機師的基本入層要求,讓更多打工仔了解航空業的工作實況。

按圖即睇航空界的6大秘聞︰

延伸閱讀︰【職場英語】拆開航空界神秘面紗!10個機師術語你識唔識?

揭開航空界的6大秘聞

航空界秘聞一︰係咪有好多機師同空姐一齊?

解答︰其實好少。因為機師同空姐只會喺上機前見到一面,機上甚少有交流。而機師和空姐的外站逗留時間亦未必一樣,回程已經可能係另一組機組人員。連講一句說話嘅機會都未必有,又點一齊呢?

航空界秘聞二︰機師係咪真係有廿萬一個月?

解答︰每間航空公司嘅薪酬機制都唔同,但以本港航空公司嚟講,機師嘅薪金由多部分組成,一方面同飛行時數掛鈎,多勞多得,同時亦有獎金、外地津貼、子女教育津貼等等;另一方面則與職級有關,在裁員後二副機長每月底薪只有3-4萬,副機長約有5-6萬,機長才有機會達到8-10萬。

航空界秘聞三︰機師人工有底薪同津貼,咁津貼係點計?

解答︰津貼係根據入住酒店嘅收費而定,再根據check-in及check-out時間,計算逗留時間內嘅津貼。以一個全日計算,就會包括早餐、午餐、晚餐、宵夜及洗衣嘅費用。

航空界秘聞四︰機師/空中服務員係咪可以揀飛咩航線?

相信這條問題係空中服務員最常聽到嘅問題之一,但其實係無指定飛咩航線㗎!每個月都會出更表,隨意編排嗰個月飛嘅航點,但空中服務員可以調機,只要雙方同意,就可以遞交申請。

航空界秘聞五︰機師/空中服務員去到外地酒店,可唔可以同人「孖鋪」?

公司安排一人一間房,但只要雙方同意就可以「孖鋪」。正常情況下都唔會咁做,畢竟飛完大家都好攰,想有啲私人空間。不過以往空中服務員入住嘅台北酒店出名猛鬼,「孖鋪」就好常見喇,有啲空姐甚至直接喺大堂瞓㖭!

航空界秘聞二︰飛機上或者酒店多唔多鬼故?

無論機上定外國酒店,相信空中服務員都有唔少鬼故分享,佢哋曾經入住唔少猛鬼酒店。只要你敢聽,就一定有大量鬼故供應。

延伸閱讀︰【職場熱話】40歲未試過出國旅行 慘被同事嘲笑「你到底係有幾窮?」

機師4大基本入職要求

機師入職要求一︰機師視力測試合格

成為機師前,必須通過視力測試,而佩戴眼鏡都可以報考。

機師入職要求二︰機師身體檢查合格

以香港專業飛行員協會及香港飛行訓練中心為例,準機師在開始任何飛行訓練前,必須取得歐洲民航局二級醫療證書。

機師入職要求三︰機師年齡限制

想成為機師,只要是18歲以上都可修讀飛行課程,而且年齡無上限,只要通過航空身體檢查便可。

機師入職要求四︰機師學歷要求

以香港專業飛行員協會為例,如想修讀考取民航機師牌的課程,必須完成中學或高中教育,並通過DSE/GCSE 或同等學歷。另外,準機師必須具備流利的英語口語及書面表達能力。

延伸閱讀︰【航空業】空姐大呻行業辛酸 網民斥:全世界好似得佢哋又要鬧又要做⋯⋯

機師人工及晉升階梯

二級副機師(Second office)起薪點:約4萬元

初級副機師(Junior first officer)起薪點:約7萬元

副機師(First officer)起薪點:約10萬元

高級副機師(Senior first officer)起薪點:約15萬元

機長(Captain)起薪點:約20萬元

延伸閱讀︰【行李清單2024丨手提行李丨寄艙行李】最齊全行李Checklist!手提/託運行李違禁品須知 離港前準備工作一覽

機師的職責是將航機安全地駕駛至目的地,當中牽涉的程序、技術及過程非常繁複。以下10個機師常用術語,大家知道是甚麼意思嗎?

機師10大常用術語

機師常見術語 解釋
Affirm 確定
Dispatch 簽派
Go around 重飛
Level off 水平飛行
Mayday 緊急求救術語
Negative 否定
PF/PM PF=Pilot Fly 負責飛行的機師
PM=Pilot Monitor 負責監察與協助的機師
Pushback 將飛機從停機平移動到跑道或滑行道
Standard Operating Procedures (SOP) 標準作業程序
Touchdown 着陸

 

10個航空界常用溝通術語

常見航空界術語一︰J class/ Y class

J class = 商務艙(Business Class)
Y class = 經濟艙(Economy Class)
除了常用的J class及Y class,還有代表頭等艙的F class。由於機型及座位設計不同,坊間及行內人士亦會將商務艙再細分為「真J」及「假J」,前者泛指可以平躺的座位,而後者則指非180度平躺的座位,類同於「真J」機型下的特選經濟艙(Premium Economy Class, PEY)座位。

常見航空界術語二︰G Day

更表上如果寫上「G」 ,即是放假的意思。其他常見的更表代號包括「SB = Short Break」、「NB = Not a Break」等。

常見航空界術語三︰報紙更

顧名思義,如果更表有如報紙一樣,代表當月需要經常上班,工作日程非常密集。報紙更也等同當月有不少即日來回的航班,幾乎沒有長途航班,是機艙服務員不太願意看到的更表。

常見航空界術語四︰ID飛

ID飛正是大家熟知的員工福利—1折機票!ID飛同時亦稱作「乞兒飛」,因為機組人員多在最後一刻才知道自己能否成功上機。

常見航空界術語五︰Lock and seal

飛到外地後,機組人員可選擇外出遊玩或在酒店房間休息,而Lock and seal是指機組人員將自己鎖在酒店房,足不出戶。

常見航空界術語六︰飛餐

「飛餐」用作描述機組人員以光速將餐點「飛」到乘客手上,多在沒有選擇的情況下,機艙服務員便會「飛餐」,為求以最快速度完成工作。

常見航空界術語七︰Crew Meal

Crew Meal除了字面上「機組人員餐點」的意思,同時亦是一個「性暗示」,指與機組人員發生性行為。如果下次聽到別人說「食crew meal」,大家或許要小心一點了!

常見航空界術語八︰紫姐

機組人員有多個特級,以本港航空公司而言,機艙服務員會稱高級事務長(Senior Purser)為「紫姐」。雖然高級事務長現時的制服是黑、金色,但以往的制服外套則是紫色,因此便一直流傳「紫姐」這個叫法。

常見航空界術語九︰入會

「入會」看似正面,但其實不然。「入會」其實是指機組人員經常請病假,而這些病假有一個特定的規律,這樣便會「入會」,被公司要求解釋。

常見航空界術語十︰菠蘿

本港航空公司設有會員制的飛行獎勵計劃,其計劃的諧音便是「菠蘿」。因此,機組人員會用「菠蘿」來稱呼尊貴的會員。

延伸閱讀︰【職場英語】去旅行遇上緊急情況?有危險要尋求協助?即學10句實用求助語句 助你解決困局

延伸閱讀︰【打工仔薪酬】非專業人士打工仔 點先可以有10萬月薪?網民:一係做sales,一係做老闆!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【語文系出路│Jupas選科】5個適合外語系畢業生嘅職業 呢份工起薪點逾3萬!

  • 【電郵禮儀】打工仔唔同人講就直接Send Email叫人做嘢代表冇禮貌?網民:視情況而定!

  • 【2024年職業前景】大學生注意!呢5個職業前景最好 ESG策略師月薪可達10萬?

  • 【轉工跳槽】拒絕Offer應否提及搵到工?HR咁樣講⋯

  • 【職場面試】00後有9個月工作經驗in Junior位 遭指責經驗不足、無法獨立工作 事主大呻:到底係咪要做夠一年先得?

  • 【求職難】4成公司承認今年曾發布虛假招聘廣告!咁做嘅原因係咩?

  • 【政府工職位空缺2024】郵政署招聘運作助理員 只須中四學歷 月薪高達$15,251(內附入職要求、工作職責及申請方法)

  • 【辭職時機】月薪低於2萬!每年須出差4個月應否辭職?網民:快啲走!

  • 【求職平台|職位空缺】香港找工作如何入手?畢業生、失業及轉工人士必睇!5大免費求職平台資料一覽!

  • 【見工面試】同一間公司10次面試都失敗!求職者百思不解!網民推測1個關鍵原因!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow