【勞工處】新增法定假日

阿超和好友阿明打算一起去旅行，並在商量出發日子。

阿明：「忙咗一排，係時候去旅行鬆一鬆，幾時出發好呢？」

阿超：「我知嚟緊4月6號嘅復活節星期一，係今年起新增嘅法定假日，不如我哋一齊去旅行啦！」

阿明：「好呀！咁嚟緊仲會新增邊幾日法定假日㗎？」

阿超：「乜你唔知咩？法定假日由2022年起至2030年每兩年逐步增加到17日。除咗有今年起生效嘅復活節星期一，嚟緊仲有2028年起生效嘅耶穌受難節，同埋2030年起生效嘅耶穌受難節翌日。」

阿明：「咁其他有關法定假日嘅安排有冇改變呢？」

阿超：「冇變呀！《僱傭條例》規定，所有僱員，包括家庭傭工，不論佢哋嘅工作時數同服務年資，都可享有法定假日。如果按連續性合約受僱滿三個月，仲會享有假日薪酬。如果僱主要求僱員喺法定假日工作，就需要按條例規定安排補假，而且唔可以畀錢代替安排僱員放假，即係俗稱嘅『買假』。」

阿明：「明白晒﹗」

阿超：「想知多啲，你可以上勞工處網頁睇下《僱傭條例簡明指南》呀﹗」

《僱傭條例簡明指南》

⏩⏩  需要請人？立即刊登招聘廣告！  ⏪⏪