【職場穿搭】着短褲返工被上司鬧羞家!要檢討穿搭定辭職走人?

【職場穿搭】着短褲返工被上司鬧羞家!要檢討穿搭定辭職走人?
工作的場合,大家會選擇穿甚麼衣服?尊重別人,尊重自己,是否就是穿保着、密實、正式?大家返工會穿甚麼類型的衣服?有否被上司指責不檢點?

延伸閱讀:【中秋另類月餅】全港首創威靈頓月餅 22歲女大學生:志願開餐廳做廚師!

有女網民在討論區Dcard上以「因為衣着被職場霸凌」為題分享,指自己因衣着問題而被女上司惡言相向,「返咗一個禮拜intern就畀人蝦到想走,我間公司係冇乜衣着打扮嘅規定,成件事就係好free,亦都冇規定一定要坐喺位做嘢。我第一日返工着返自己style嘅衫,大概就係鞋波鞋、背心加恤衫外套、短牛仔褲。我嗰team嘅阿頭係個大概40歲嘅男人,我上個禮拜一第一日返工,佢就帶我行成間公司逐樣嘢同我介紹。之後叫我日日幫佢沖咖啡拎入佢房。」

「如是者到咗第二日,食飯嗰陣全公司都出晒去,帶我嗰位女前輩叫我留一留低,有嘢要同我講……」
 
即睇事主分享及其他網民回應:﹙按圖了解﹚
事主:「結果佢趁全公司都唔喺度嘅時候,好大聲咁鬧我!」
事主:「問我知唔知我on board嗰日一入嚟,全公司都望住我,問我着到咁羞唔羞家?」
事主:「問我係咪好享受畀人望!我真係完全嚇親!同時我都好嬲,全公司唔止我一個着短褲!」
事主:「唔明點解淨係捉住我一個講?所以我冇理到佢,第二日照樣着短褲!」
網民:「尊重人尊重自己,如果你上面又低胸下面又露腿,實在唔適合office。」
網民:「我之前去過一間公司度做,佢直接話男仔唔可以帶耳環,女仔冇所謂,同埋女仔最好着裙同高踭鞋,咁嘅性別歧視都講得出,真係又嬲又失望。」
網民:「好多office工唔一定要smart casual Design、廣告、fashion brand、creative media 等等,好多行業嘅office都係着咩都得,你露哂腰都冇問題,都係睇公司文化。」
網民:「我唔明點解樓上成班人喺度道德綁架人?樓主個阿頭講埋啲咁過火嘅嘢,你哋唔講?走嚟檢討樓主嘅衣着?」
網民:「又blame the victim……香港人真係……現代社會揀著件咩衫都冇自由? 咩叫唔尊重自己先,即係怕着得暴露引到男同事睇?文明存在正因為人可以壓制慾望,香港係一個文明城市,竟然要叫女仔唔好着得太暴露,怕佢引到人睇,佢係咪以為依度係印度,着得暴露畀人強姦都係女仔嘅錯,又係嗰啲着得暴露等於引人犯罪,等於你錯,嗰啲印度logic?」
網民:「其實好簡單,就係要睇場合著衫,咁當然唔排除阿姐係唔抵得嘅,同埋處理得唔好。 但係我諗,除非你係返啲好新潮嘅行業,如果唔係應該冇咩office可以着貼身低胸衫咁返工,尤其如果你係豐滿嘅話。係唔公平㗎,不過啱啱入職,食物鏈最底層一係就忍,一係就辭職, 職場欺凌都唔係咩新鮮事,intern有得揀,頂唔順就走啦!」
網民:「重點係返office工着成咁有問題吧,佢出街唔着都無人理,但返工要尊重返公司同專業吧?利申:當時返工第一日着咗短褲畀老細鬧到飛起,但我gur,啲客上嚟見到你好似放假咁,短牛背心係咩邏輯?」
 
自我檢討?辭職?
有些網民覺後大家要事主檢討自己的衣着,是檢着受害人的行為,並覺得:「現代社會揀著件咩衫都冇自由? 咩叫唔尊重自己先,即係怕着得暴露引到男同事睇?文明存在正因為人可以壓制慾望,香港係一個文明城市,竟然要叫女仔唔好着得太暴露,怕佢引到人睇,佢係咪以為依度係印度,着得暴露畀人強姦都係女仔嘅錯?」亦有網民覺得:「我唔明點解樓上成班人喺度道德綁架人?樓主個阿頭講埋啲咁過火嘅嘢,你哋唔講?走嚟檢討樓主嘅衣着?」

雖然每個人都有穿衣自由,不過看場合而穿合適的衣服都是一種禮貌,是尊重自己亦是尊重別人,不是總是以「檢討受害人」就可以將行為合理化。在職場上,懂得以合適的打扮迎接不同場合,是技巧亦是禮儀,正如你有言論自由一樣,但你不會無端白事向你的上司或客戶說粗口一樣。

不過,此事件令人不快的最大原因,是女前輩的不禮貌對待!事主要留意自己的衣着,但女前輩大罵事主羞家,兼問:「係咪好享受畀人望!」是非常無禮!其實事主可以投訴,又或者表示自己明白會留意衣着,可是請對方注意用詞和語氣。面對指罵,最重要保持冷靜,大吵大鬧反而會令你得不到其他人的支持。
不知道大家的意見如何?

延伸閱讀:【中秋另類月餅】全港首創威靈頓月餅 22歲女大學生:志願開餐廳做廚師!
延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!
延伸閱讀:【另類職人】凶宅清潔師見盡凶案現場 血跡未算最驚心 更試過被報夢…
延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感
延伸閱讀:【另類職人】劍擊十年 由運動員到社工 轉職感言:兩者最着重同是「溝通」

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告