【職場穿搭】化妝返工被指勾引男同事 女同事嬲爆反擊:你着短裙嘅意圖係咩?

【職場穿搭】化妝返工被指勾引男同事 女同事嬲爆反擊:你着短裙嘅意圖係咩?
不少女士都很着重自己的儀容,花費很多金錢在買衫、買化妝品和護膚品之上。而化妝已成為很多女士出門上班前的指定動作,化妝是尊重自己亦是尊重對方和場合的表現。

延伸閱讀:【中秋另類月餅】全港首創威靈頓月餅 22歲女大學生:志願開餐廳做廚師!

有女網民在討論區Dcard上發文分享,以「痴線呀頭話我要勾引同事」為題,討論上司言詞過分一事:「真係好嬲呀!女仔返工化妝有咩問題?係對工作嘅尊重、係對自己嘅專業嘅尊重呀!話說我琴日第一日對新呀頭,大概35歲、戴眼鏡、短頭髮,佢一嚟到就一副寸寸貢咁嘅樣,撓埋對手喺度話:『我嘅原則就係所有人都要對工作認真』 咁我一直都好認真,大家喺度吹水,我都好少搭嘴。」

「咁食完飯我就補下唇膏啦,啱啱搽完放低塊鏡,就見到呀頭企咗喺我面前,佢問我:『叫你做嘢,你仲姿姿整整咁?』我冇出聲,佢繼續話:『我哋條team唔需要日日化妝勾引男同事嘅女人』聽到呢句我真係、真係、真係好嬲!但係我知道我無論需唔需要尊重佢,我都要尊重呢個場合,所以我應咗一段嘢……」
 
即睇事主分享及其他網民回應:﹙按圖了解﹚
事主:「大概係咁:『我基於對工作嘅尊重我會化妝,我唔會畀自己蓬頭垢面咁返工。」
事主:「如果化妝等於要勾引男同事,咁你着短裙嘅意圖又係咩呢?」
事主:「你唔需要我,但公司需要我,唔好將你嘅價值觀強加喺我身上。』」
事主:「講完佢靜咗,之後就拎轉身走咗,我以為咁就冇事啦!點知佢同老細篤我背脊,話我因為唔中鍾新阿頭,就對佢態度唔好。」
事主:「老細叫咗我入房,我同佢講返成件事,佢都覺得個新阿頭好匪夷所思,話佢幫我再同佢溝通。」
事主:「真係好慶幸有個明白事理、唔會單信小人之言嘅老細,我入咗公司咁耐,佢都了解我為人,唔會憑片面之詞而罔下判斷。」
事主:「但係我呢個行為都係太衝動,如果老細唔信我講嘅嘢,我又冇證據證明新阿頭真係講過咁過份嘅嘢,就真係玩完。」
事主:「經一事,長一智,下次真係唔會咁衝。唔知大家又有冇咩莫名其妙嘅遭遇?」
網民:「傻咗?化妝都唔畀,佢自己係咪好樣衰?」
網民:「我個老細日日都着跌膊衫、see through,但係又鬧新嚟嗰個intern着浴袍(低胸)。」
網民:「好多行業都會要求女同事化妝!」
網民:「擺明佢唔抵得你啦,化妝都唔畀,關佢咩事?」
網民:「係咪傻架,邊有女人唔化妝返工,最低限度都會上粉啦?」
網民:「佢應該就係典型嘅唔見得人好嘅人格。」
網民:「好多人都鍾意將自己嘅諗法強加於人哋身上。」
網民:「令我諗返起我以前份工嗰阿頭,一樣。不過我自己之後都懶得化,成間公司都好有問題,無嘢令到我需要尊重,浪費我啲化妝品。」
 
尊重問題
雖然很多網民都在討論女士應否化妝上班,首先,上班的儀容是整潔,未必一定要化妝,但乾淨企理是必需的,這是對自己,亦是對別人的尊重。

不過,是次事件的最大問題,其實是女上司不禮貌的言詞問題,如此攻擊自己的下屬,是非常不禮又沒有教養的行為。雖然事主說了一番話反擊,但她亦作事後檢討,覺得自己太衝動,未有考慮之後被針對和篤背脊的後果,而其實她的言論只是說清事實而已,不過,大家覺得怎樣的做法才妥當?啞忍?還是如事主一樣反擊,事後卻遭針對?

延伸閱讀:【中秋另類月餅】全港首創威靈頓月餅 22歲女大學生:志願開餐廳做廚師!
延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!
延伸閱讀:【另類職人】凶宅清潔師見盡凶案現場 血跡未算最驚心 更試過被報夢…
延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感
延伸閱讀:【另類職人】劍擊十年 由運動員到社工 轉職感言:兩者最着重同是「溝通」

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告