【職場熱話】老細阻放假 用歪理指桑罵槐：你放假 但公司運作緊 所以要睇訊息！

打工仔想放個假都難，明明是自己的大假，卻每次都要求批准，有時老闆更不讓你放假，真的非常無理！相信大家都一定有「想放假卻被拒」或「就算放假都要看臉色」的經驗吧？

延伸閱讀：【中秋另類月餅】全港首創威靈頓月餅 22歲女大學生：志願開餐廳做廚師！

有網民在社交平台專頁「奴工處」上投稿分享，自己的老闆阻她放假，然後更指桑罵槐，以歪理單單打打，「上個月同阿頭申請咗今個月請兩日假，佢應承咗我，但唔記得同老細講。直到放假前幾日先通知老細，老細就唔係咁想畀我放，阿頭就話幫我說服咗老細，我可以照放。點知放假嗰日，老細突然喺whatsApp group tag我啲唔重要嘅嘢，我放緊假遲咗睇訊息，老細就即刻話：『你係放緊假，但公司仲運作緊，唔該留意返whatsApp group啲嘢！』咁都得？定佢只係想畀吓說話我聽？」

如果面對如此情況，各位打工仔會怎樣做？
 
即睇網民回應：﹙按圖了解﹚
網民：「放緊假唔會睇、唔會覆任何公司Message，咁大間公司如果因為你執笠，咁叫佢哋加咗人工，升咗你職先啦！」
網民：「因為老闆想用到你盡，放假公司都係照出糧，佢唔想蝕畀你。」
網民：「下次我返工做私人嘢，老細你唔好出聲，因為雖然我返緊工，但係公司以外嘅世界都運作緊！」
網民：「如果你喺佢心中有地位嘅，佢絕對唔會咁講，辭職啦？」
網民：「放假熄公司電話，畀說話你聽就『意見接受，態度照舊』咁。」
網民：「覆佢如果一間公司，無咗一個員工兩日都運作唔到嘅，不如執咗佢啦！」
網民：「覆：『公司運作緊，但我放緊假，唔該留意返！』」
網民：「使乜嘢咁上心，佢咁講只係刷下存在感，抬高返自己（因為佢感覺自己畀人冷落咗）簡單答一句：『知道。』咪算囉。」
網民：「佢應該要住喺公司，公司好需要呢種人材。」
網民：「佢咁講，即係你要真正放假，就要令公司停止運作先得，你識做啦。」
網民：「搵幾日凌晨3點炸佢，叫醒佢傾公事，話公司仲運作緊，包佢以後唔敢office hour外搵你！」
網民：「試過個老細話：『嗱，放假都唔可以失蹤呀！」睬佢都廢事！」
 
歪理只能莫視
有時真的不太明白，老闆有否經過大腦的思考才會說出：「你係放緊假，但公司仲運作緊，唔該留意返whatsApp group啲嘢！」如此的話？員工都有自己的生活，工作絕對沒可能排在個人生活之前。不過，如果老闆的思維有問題，並不是一時三刻就能改正的事，加上自己作為員工，身份並不便於說教，所以有網民認為，如果要應對如此的狀況，就應該：「放假熄公司電話，畀說話你聽就『意見接受，態度照舊』咁。」

亦有網民指：「使乜嘢咁上心，佢咁講只係刷下存在感，抬高返自己（因為佢感覺自己畀人冷落咗）簡單答一句：『知道。』咪算囉。」其實，歪理就只能莫視，保持自己的原則和正確的價值觀！

延伸閱讀：【中秋另類月餅】全港首創威靈頓月餅 22歲女大學生：志願開餐廳做廚師！
延伸閱讀：【另類職人】自小幫家人開雞檔 現以跳舞、演藝為生 Catry：從來冇為街巿出身而自卑！
延伸閱讀：【另類職人】凶宅清潔師見盡凶案現場 血跡未算最驚心 更試過被報夢…
延伸閱讀：【戶外工作】以新聞攝影紀錄歷史 上山下海、更曾中彈 只憑一份使命感
延伸閱讀：【另類職人】劍擊十年 由運動員到社工 轉職感言：兩者最着重同是「溝通」

 

⏩⏩  需要請人？立即刊登招聘廣告！  ⏪⏪