【職場熱話】日資公司規定員工行樓梯返工?職員爆料:大肚婆都無情講

【職場熱話】日資公司規定員工行樓梯返工?職員爆料:大肚婆都無情講

最近在討論區出現一則爆料文,控訴僱主的無理行為,危害員工的安全及健康。事主聲稱自己在大埔某間食品廠工作,指因為日籍老闆不想排隊等𨋢,因此禁止所有員工乘搭升降機,一定要行樓梯走上3樓辦公室,連懷孕中的女職員亦要遵守。此帖子發布後,除了引來網民負評外,而有前員工爆出公司其他惡行……

延伸閱讀:【職場遊世界】日本企業允許80歲以上僱員就職 限每周工作4天 每日5小時

按圖了解前員工爆料:

「老細係日本二世祖,離地又唔識珍惜員工,我在職期間食咗好多散水餅。間公司出名垃圾,部lift日日都有保安守住,你想搭都難。工時長返830放6,遲到一分鐘都扣錢再出警告信,仲小學雞到玩要寫悔過書。Lunch唔好以為有飯食,杯麵都要自己畀錢買,仲貴過超市買,亦無廠車車你出去食飯。有日老細出通告話唔畀人喺佢間廠門口泊車,每隔星期都call警察抄員工車牌,搞到佢哋要走鬼咁。全年得7日大假, lunch time未改制前45分鐘食飯,而家先變一個鐘。最出名某部門有個癲婆,日小夜小,專小到人辭職,但喺老細面前就成隻社畜咁,所以老細好buy佢。點解仲有人返呢份工?」
 

網民點睇?
網民A:咁似小學,得老師可以搭𨋢,學生唔畀搭𨋢。

網民B:叫大肚婆告佢啦,萬一行樓梯仆親點算,工傷賠死佢。

網民C:老細唔想等咪佢遲啲返工囉,有咩可能日日叫員工行樓梯,好無人道!

網民D:大肚婆行3層,其實都行到,大把唐樓都無lift啦,你話佢十幾樓lift就話,工廠得幾層。

網民E:樓主你咁都仲做緊?不如排定骨科睇下無咗條腰骨會有咩併發症好過啦。

網民F:日資公司係咁,賺盡每一分錢,你睇日劇都知工作環境有幾高壓啦。

網民G:咁都仲做就抵死喇,香港勞工權益全球最低都係香港人咎由自取!

網民H:大埔工廠區嘅工,好多人都貪佢有餐飯食,喺入面穩定做到退休。餓你唔死,可以當你奴隸用。

網民I:工業村大部分廠都係垃圾工,又遠又要工時長,人工又低無褔利咁濟,唔明點解仲有人做。

 

根據香港法例第 59 章《工廠及工業經營條例》,每名東主該採取以下措施,照顧他在工業經營中僱用的所有人的工作安全及健康,包括提供及維持安全進出工作地點的途徑、提供及維持安全及健康的工作環境、照顧工作地點中他本人及其他人的安全及健康等等。萬一員工因工及在僱用期間遭遇意外而致受傷,或患上《僱員補償條例》所指定的職業病,僱主有責任支付補償。

延伸閱讀:【辦公職安健】網民盤點藍領工作危險位 碎片險中眼 螺絲直插喺鞋底

延伸閱讀:【職場熱話】一人一個公司最落後嘅設施 網民:冇水機、滑鼠仲有粒珠係入面…

延伸閱讀:【職場歧視】公司只禁止男職員著黑衫、染金髮 平機會指引:男女需一視同仁

 

如果大家在職場上有不開心想發洩,或是對《勞工法例》有疑難,歡迎投稿給我們,我們會盡量解答你的問題,當打工仔的樹洞!👉 https://forms.gle/XwPwhQ4ZfkSEDKRR6

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告